₹25 हजारांची लाच घेताना पंचायत समितीचे विस्तार अधिकारी संदीप मोरे ACB च्या जाळ्यात; विकासकामांच्या बिलासाठी मागितले होते 3% कमिशन

ACB च्या प्रसिद्धीपत्रकानुसार, संबंधित तक्रारदाराने 3 जुलै 2026 रोजी लाचलुचपत प्रतिबंधक विभागाकडे तक्रार दाखल केली होती. तक्रारदाराने ग्रामपंचायतीअंतर्गत दोन नाली बांधकामे आणि एक पेव्हर ब्लॉक रस्त्याचे काम पूर्ण केले होते. या विकासकामांच्या बिलाची रक्कम मंजूर करून देण्यासाठी विस्तार अधिकारी संदीप मोरे यांनी बिलाच्या रकमेच्या 3 टक्के म्हणजेच ₹25 हजारांची लाच मागितल्याचा आरोप तक्रारीत करण्यात आला होता.

👉 विशेष जाहिरात | अधिक माहितीसाठी क्लिक करा

तक्रारदाराने लाच देण्यास नकार देत थेट ACB कडे धाव घेतली. त्यानंतर अधिकाऱ्यांनी तक्रारीची गोपनीय पडताळणी केली. पडताळणीदरम्यान लाचेची मागणी झाल्याचे निष्पन्न झाल्यानंतर ACB ने नियोजनबद्ध सापळा रचला.

ठरल्याप्रमाणे तक्रारदाराने आरोपी अधिकाऱ्याला रक्कम दिल्यानंतर संदीप मोरे यांनी स्वतःच्या ताब्यात ₹25 हजारांची रक्कम स्वीकारल्याचे ACB ने म्हटले आहे. त्याचवेळी पथकाने त्यांना रंगेहात पकडले.

या प्रकरणी संबंधित पोलीस ठाण्यात भ्रष्टाचार प्रतिबंधक कायद्यानुसार गुन्हा नोंदविण्याची प्रक्रिया सुरू असल्याची माहिती ACB ने दिली आहे.

ही कारवाई पोलीस अधीक्षक वापू बांगर, अपर पोलीस अधीक्षक सचिन शिंदे यांच्या मार्गदर्शनाखाली पोलीस उपअधीक्षक राजेश राठोड यांच्या नेतृत्वाखालील पथकाने केली. कारवाईत पोलीस निरीक्षक रवींद्र सखरे, पोलीस निरीक्षक श्यामलाल निरछे तसेच इतर अधिकाऱ्यांचा सहभाग होता.

दरम्यान, कोणताही शासकीय अधिकारी किंवा कर्मचारी कायदेशीर शुल्काव्यतिरिक्त लाचेची मागणी करत असल्यास नागरिकांनी तात्काळ लाचलुचपत प्रतिबंधक विभागाशी संपर्क साधून तक्रार नोंदवावी, असे आवाहन ACB ने केले आहे.

Related News

• एसटी स्थानकाच्या 200 मीटरमध्ये वाहन लावलं? थेट जप्ती; बुलढाण्यात RTO-पोलिसांची धडक कारवाई, 270 वाहनांवर Action
• साखरखेर्डा गट नं. 870 जमीन प्रकरण गाजले; बनावट फेरफार, भूमाफियांचा डाव? महसूल कलम 155 अंतर्गत कारवाईची मागणी
• साखरखेर्ड्यात ना डॉक्टर, ना कर्मचारी; पशुवैद्यकीय दवाखाना कायम बंद, २५ गावांतील पशुपालक अडचणीत