क्राईम न्यूज | Viral Video |
Police Assault Case:महाराष्ट्रातील वाशिम जिल्ह्यातील एक धक्कादायक आणि संतापजनक घटना समोर आली आहे. पोलीस विभागात कार्यरत असलेल्या जावयावर सासू-सासऱ्यांनी भर रस्त्यात बेल्ट आणि काठीने बेदम मारहाण करत नग्न करण्याचा प्रयत्न केल्याचा गंभीर आरोप आहे. या घटनेचा व्हिडिओ सोशल मीडियावर व्हायरल झाल्यानंतर प्रकरणाने मोठा वळण घेतला असून पोलिसांनी तत्काळ गुन्हा दाखल केला आहे.
मिळालेल्या माहितीनुसार, अंढेरा परिसरातील रहिवासी असलेल्या फिर्यादी महिलेने दिलेल्या तक्रारीत नमूद केले की, तिचा मुलगा प्रभू चाटे हा पोलीस दलात कार्यरत आहे. त्याचे लग्न वर्षभरापूर्वी वाकडवाडी येथील स्वाती डोंगरे हिच्याशी झाले होते. दोघे मुंबई येथे वास्तव्यास होते. मात्र, काही दिवसांपूर्वी पत्नीने गळफास घेऊन आत्महत्या केल्याची घटना घडली.
👉 विशेष जाहिरात | अधिक माहितीसाठी क्लिक करा
या घटनेनंतर मुलीच्या आत्महत्येचा राग मनात धरून सासू-सासऱ्यांनी जावयाला जबाबदार धरत त्याला गुन्ह्यात अडकवण्याचा प्रयत्न केल्याचा आरोप करण्यात आला आहे. २१ एप्रिल रोजी सकाळी सुमारे १०:३० वाजता आरोपी सासू दुर्गा डोंगरे, सासरे वैजीनाथ डोंगरे आणि साळा शुभम डोंगरे हे अंढेरा येथे आले.
त्यानंतर त्यांनी कोणतीही विचारपूस न करता जावई प्रभू चाटे याला पकडून चापटा-बुक्यांनी तसेच बेल्टने बेदम मारहाण सुरू केली. यावेळी काठीनेही डोक्यावर आणि पायावर हल्ला करण्यात आला. इतकेच नव्हे तर, त्याला नग्न करण्याचा प्रयत्न करण्यात आल्याने परिसरात भीतीचे वातावरण निर्माण झाले.
प्रभू चाटे यांनी कसाबसा सुटून पोलीस स्टेशन गाठले. मात्र आरोपी तेथेही पोहोचून त्याला गाडीतून ओढून पुन्हा मारहाण केल्याचा आरोप आहे. दरम्यान, आरोपी सासूने घरात घुसून तोडफोड करत जीवे मारण्याची धमकी दिल्याचेही तक्रारीत नमूद करण्यात आले आहे.
या संपूर्ण घटनेचा व्हिडिओ व्हायरल झाल्यानंतर पोलिसांनी तत्काळ कारवाई करत आरोपींविरुद्ध भारतीय न्याय संहितेअंतर्गत विविध कलमान्वये गुन्हा दाखल केला आहे. या घटनेमुळे परिसरात खळबळ उडाली असून पुढील तपास सुरू आहे.
👉 कायद्याची कारवाई
पोलिसांनी आरोपी दुर्गा डोंगरे, वैजीनाथ डोंगरे आणि शुभम डोंगरे यांच्याविरुद्ध गंभीर स्वरूपाचे गुन्हे दाखल केले असून प्रकरणाचा तपास वेगाने सुरू आहे.
👉 हे पण वाचा..
- धक्कादायक! ‘तु लय माजला का?’ म्हणत लोखंडी दातड्याने युवकावर हल्ला; रिसोडमध्ये खळबळ
- ४ वर्षांनंतर उलगडला थरार! मेहकरमध्ये मिसिंग केसचा खून म्हणून धक्कादायक उलगडा, २ आरोपी अटकेत
- राक्षसी प्रवृत्ती! साखरखेर्डा जिजामाता विद्यालयात शिक्षकाने सातवीच्या विद्यार्थ्याचे डोके डेस्कवर आपटले
👉 हे आवश्यक करा..
अशाच Breaking Crime News आणि Viral Updates साठी Kattanews.in ला नियमित भेट द्या. ही बातमी शेअर करा आणि आपल्या प्रतिक्रिया कमेंटमध्ये नक्की द्या.
