रक्षकच भक्षक! पोलीस कर्मचाऱ्यावर जीवघेणा हल्ला; बुलढाण्यात खाकीची अब्रू धुळीस

तामगाव पोलीस स्टेशन हद्दीत येणाऱ्या कवठळ शेत शिवारात ही थरारक घटना घडली. ५ एप्रिल २०२६ रोजी मध्यरात्री रात्रगस्तीदरम्यान पोलीस अंमलदार संतोष तुळशीराम आखरे (वय ५१) आणि त्यांचे सहकारी प्रमोद मुळे गस्त घालत होते.

याच वेळी गुप्तधन काढण्याचा विधी सुरू असल्याची माहिती मिळाल्याने ते घटनास्थळी गेले. मात्र, तेथे कोणताही प्रकार आढळला नाही. परत येताना त्यांना दोन संशयित व्यक्ती दिसल्या.

“एवढ्या रात्री तुम्ही इथे काय करत आहात?” असा साधा प्रश्न विचारताच आरोपी राजेश गव्हाळे आणि मनोज गव्हाळे यांनी संतोष आखरे यांच्यावर संताप व्यक्त केला. त्यांनी शिवीगाळ करत अचानक हल्ला चढवला.

हातातील स्टीलच्या कड्याने आखरे यांच्या पाठीवर आणि कपाळावर जोरदार वार करण्यात आले. या हल्ल्यात ते गंभीर जखमी झाले आणि रक्तबंबाळ अवस्थेत कोसळले. सहकारी प्रमोद मुळे यांनी मध्यस्थी करण्याचा प्रयत्न केला असता त्यांनाही धमक्या देण्यात आल्या.

या प्रकरणी संतोष आखरे यांच्या तक्रारीवरून तामगाव पोलीस स्टेशनमध्ये आरोपींविरुद्ध भारतीय न्याय संहितेच्या विविध कलमांखाली गुन्हा दाखल करण्यात आला आहे. पुढील तपास ठाणेदार पंडितराव सोनवणे करत आहेत.

या घटनेमुळे पोलीस दलातच असुरक्षिततेचे वातावरण निर्माण झाले असून “रक्षकच भक्षक” अशी संतप्त प्रतिक्रिया नागरिकांमधून उमटत आहे. पोलीस कर्मचाऱ्यावर हल्ला करणाऱ्यांवर कठोर कारवाईची मागणी जोर धरत आहे.

📌 Related News

• मेहकर तालुक्यातील लोणीगवळी हादरलं! ५ ते ९ वर्षांच्या मुलींचा शिक्षकाकडून लैंगिक छळ; गावात संतापाचा उद्रेक
• 5 तास एसटी बस थांबली… कारण ऐकून थक्क व्हाल! साखरखेर्ड्यात प्रवाशांची प्रचंड गैरसोय
• गुंज मारहाण प्रकरणात मोठी कारवाई; ४ आरोपी न्यायालयीन कोठडीत, सुरेश तुपकरांचा जामीन फेटाळला

👉 तुमची प्रतिक्रिया द्या

अशा घटनांवर तुमचे मत काय? आम्हाला कमेंट करून नक्की कळवा आणि अशाच ब्रेकिंग न्यूजसाठी Kattanews.in ला भेट देत रहा.