साखरखेर्डा |८ मार्च २०२६
मोठी बातमी समोर आली आहे. एसटी बस 5 तास उभी राहिली, चालक अचानक आजारी पडल्याने प्रवाशांची प्रचंड गैरसोय, संताप आणि गोंधळ निर्माण झाला. मेहकर-साखरखेर्डा-पुणे मार्गावरील एमएच ४० व्ही ५७५१ क्रमांकाची बस सकाळी ७ वाजता स्थानकात पोहोचली. त्यावेळी चालक एस. एस. निकम यांची प्रकृती अचानक बिघडली. त्यांनी तात्काळ वरिष्ठांना माहिती दिली, मात्र पर्यायी चालक उशिरा पाठवण्यात आल्याने बस स्थानकावरच थांबली.
दरम्यान, चालकाला तत्काळ दवाखान्यात दाखल करण्यात आले असून त्यांची प्रकृती सध्या स्थिर असल्याची माहिती मिळाली आहे. सकाळी ११ वाजता पर्यायी चालक आल्यानंतर बस पुण्याकडे रवाना झाली.
या घटनेमुळे मेहकर आगाराच्या व्यवस्थापनावर प्रश्नचिन्ह उपस्थित होत आहे. चालकाने आधीच तब्येत ठीक नसल्याची माहिती दिल्याची चर्चा असूनही त्याला ड्युटी देण्यात आल्याचा मुद्दा समोर येत आहे.
प्रवाशांनी प्रशासनाने अशा घटनांकडे गांभीर्याने लक्ष देऊन तत्काळ पर्यायी व्यवस्था करावी, अशी मागणी केली आहे.
Related News
- गुंज मारहाण प्रकरणात मोठी कारवाई; ४ आरोपी न्यायालयीन कोठडीत, सुरेश तुपकरांचा जामीन फेटाळला
- धाडमध्ये अन्नातून विषबाधेची शंका; ३ लहान मुलांचा मृत्यू, आईवर उपचार सुरू
- धमकी, बदनामी आणि तुटलेलं लग्न… २१ वर्षीय तरुणीने संपवले आयुष्य; जळगाव जामोद हादरलं
हे आवश्यक करा
ताज्या आणि विश्वासार्ह बातम्यांसाठी Kattanews.in ला नियमित भेट द्या. ही बातमी शेअर करा आणि आपल्या परिसरातील समस्या आम्हाला कळवा.
