खामगाव | १० मार्च २०२६
खामगाव येथे पकडलेल्या विषारी सापाला जीवदान देण्याचा प्रयत्न करताना एका सर्पमित्राचा सर्पदंशाने मृत्यू झाल्याची दुर्दैवी घटना समोर आली आहे. मंगेश कांबळे (वय 33) असे मृत्यू झालेल्या युवकाचे नाव असून ही घटना 9 मार्च रोजी सकाळी साडेदहा वाजताच्या सुमारास घडली.
मिळालेल्या माहितीनुसार, मंगेश कांबळे हे सर्पमित्र म्हणून परिसरात ओळखले जात होते. त्यांनी पकडलेल्या मण्यार जातीच्या विषारी सापाला सुरक्षितपणे जंगलात सोडण्यासाठी नेले होते. मात्र सापाला सोडत असताना अचानक सापाने पलटवार करून त्यांना दंश केला.
👉 विशेष जाहिरात | अधिक माहितीसाठी क्लिक करा
सापाचे विष त्यांच्या शरीरात झपाट्याने पसरल्याने त्यांची प्रकृती गंभीर झाली. त्यांना तात्काळ खामगाव येथील सामान्य रुग्णालयात दाखल करण्यात आले. मात्र प्रकृती अधिकच बिघडल्याने पुढील उपचारासाठी अकोला येथे रेफर करण्यात आले.
दरम्यान अकोला येथे पोहोचण्यापूर्वीच मंगेश कांबळे यांची प्राणज्योत मालवली. या दुर्दैवी घटनेमुळे खामगाव परिसरासह त्यांच्या मूळ गावात शोककळा पसरली असून अनेकांनी हळहळ व्यक्त केली आहे.
वन्यजीव संरक्षणासाठी सापांना पकडून सुरक्षितपणे जंगलात सोडण्याचे काम करणाऱ्या सर्पमित्रांच्या कार्याबद्दल नागरिकांमध्ये मोठा आदर असतो. अशाच कार्यात जीव गमावल्याने मंगेश कांबळे यांच्या निधनाबद्दल सर्वत्र दुःख व्यक्त होत आहे.
📢 KattaNews वाचकांसाठी आवाहन
तुमच्या परिसरातील ताज्या घडामोडी, अपघात, सामाजिक किंवा राजकीय बातम्या आम्हाला पाठवा.
📲 WhatsApp वर बातमी पाठवा : Kattanews.in
तुमची बातमी लाखो वाचकांपर्यंत पोहोचवण्याचे काम आम्ही करू.
🔴 संबंधित बातम्या
- शिक्षक पत्नीचा सुपारी देऊन खून; अपघाताचा बनाव उघड
- दारूड्या भावाचा चाकूने भोसकून खून
- लग्नसोहळ्यात मधमाश्यांचा हल्ला; अनेक जखमी
