भोंदूगिरीचा बाजार उठवा! आगरवाडीत अंधश्रद्धेविरुद्ध विठाई प्रतिष्ठानचा एल्गार

महिलांना उद्देशून बोलताना त्यांनी सांगितले की, देवाच्या नावाखाली काही भोंदू बाबा महिलांची फसवणूक करतात. घरातील गुप्त धन काढून देणे, कौटुंबिक समस्या सोडवणे किंवा चमत्कार दाखवण्याचे आमिष दाखवून कष्टाची कमाई लुटली जाते. अशा लोकांपासून सावध राहा आणि संशयास्पद प्रकार दिसल्यास त्वरित पोलिसांकडे तक्रार करा, असे आवाहन त्यांनी केले.

कार्यक्रमाच्या अध्यक्षस्थानी विठाई मायनॉरिटी बहुउद्देशीय प्रतिष्ठानचे अध्यक्ष प्रदीप खंडारे होते. त्यांनी स्पष्ट केले की, प्रतिष्ठान केवळ कागदोपत्री काम करणारी संस्था नसून समाजातील अनिष्ट प्रथा मोडीत काढण्यासाठी प्रत्यक्ष मैदानात उतरते. आदिवासी बांधवांच्या अज्ञानाचा फायदा घेणाऱ्या टोळ्यांविरोधात ठोस लढा उभारला जाईल, असे त्यांनी सांगितले.

“जिथे अन्याय तिथे आमचा ठसा,” असे सांगत खंडारे यांनी भोंदूगिरीविरोधात सातत्याने मोहिमा राबवण्याचा निर्धार व्यक्त केला. या जनजागृती कार्यक्रमाला गिरिधर शेजुळ, संतोष शिंदे तसेच आदिवासी समाजातील शेकडो महिला व नागरिक उपस्थित होते.

या अभियानामुळे ग्रामीण भागात वैज्ञानिक दृष्टीकोन रुजवण्यास मदत होणार असून अंधश्रद्धेविरुद्ध समाजाने एकजूट होण्याची गरज अधोरेखित झाली आहे.

📢 नागरिकांसाठी आवाहन

✔ भोंदूगिरी व अंधश्रद्धेपासून दूर राहा
✔ आजारपणात वैद्यकीय उपचार घ्या
✔ फसवणूक करणाऱ्यांची पोलिसांत तक्रार करा
✔ महिलांनी आर्थिक व्यवहारात सावधगिरी बाळगा
✔ समाजात वैज्ञानिक दृष्टिकोन वाढवा

👉 संबंधित बातम्या

• रिसोड-साखरा रस्त्याच्या खड्ड्यांविरोधात ‘शोले स्टाईल’ आंदोलन; पाण्याच्या टाकीवर चढून नागरिकांचा इशारा
• रिसोड पोलिसांचा मोठा पराक्रम! १५ दिवसांत ४ अपहरण गुन्हे उघड, १० जणांची सुखरूप सुटका
• कुकसा ग्रामपंचायतीत ₹16 लाखांच्या रस्ते कामात गैरव्यवहार? टेंडरशिवाय काम सुरू, घरकुल योजनेत पैशांची वसुलीचे आरोप

📲 Kattanews.in वर अशाच स्थानिक, सामाजिक व जनहिताच्या बातम्यांसाठी भेट देत राहा.