बुलढाणा जिल्हा प्रतिनिधी| २५ फेब्रुवारी २०२६
बुलढाणा जिल्ह्यातील लोणार तालुक्यातील चिखला काकड येथे शिवजयंतीनंतर छत्रपती शिवाजी महाराजांच्या पुतळ्याच्या वादातून महिलांवर झालेल्या मारहाणीच्या घटनेने राज्यभर संतापाची लाट उसळली आहे. या प्रकरणाची गंभीर दखल घेत संभाजी ब्रिगेड व जिजाऊ ब्रिगेडच्या पदाधिकाऱ्यांनी चिखला गावाला भेट देत पीडित कुटुंबीयांची भेट घेत त्यांना न्याय मिळवून देण्याचे आश्वासन दिले.
या वेळी मराठा सेवा संघ, संभाजी ब्रिगेड आणि जिजाऊ ब्रिगेड पीडितांच्या पाठीशी ठामपणे उभे असल्याचे सांगत दोषींवर कठोर कारवाई करण्याची मागणी करण्यात आली. महिलांवरील अत्याचार सहन केले जाणार नाहीत, असा इशाराही यावेळी देण्यात आला.
भेटीदरम्यान जिजाऊ ब्रिगेडच्या जिल्हाध्यक्ष अँड. उर्मिलाताई हाडे, प्रा. बोचे मॅडम, मंगलाताई कुटे, सुनिता देशमुख, वैशाली शिंदे, दुर्गा चव्हाण, गोदावरी तुपकर यांच्यासह संभाजी ब्रिगेड कामगार आघाडीचे जिल्हाध्यक्ष राजकुमार जाधव, सेवा संघाचे अशोक मामा तुपकर, इंजि. दिनकर शिंदे, अँड. विनोद डव्हळे, विश्वनाथ बाहेकर, गजाननराव, संभाजी ब्रिगेडचे मदन दहातोंडे, संजय अंभोरे, राजूभाऊ अंभोरे, माजी जिल्हाध्यक्ष रामेश्वर वायाळ आदी उपस्थित होते.
चिखला घटनेमुळे परिसरात तणावपूर्ण वातावरण असून नागरिकांकडून शांतता राखण्याचे आवाहन करण्यात येत आहे. दरम्यान, दोषींवर कठोर कारवाई न झाल्यास आंदोलन तीव्र करण्याचा इशाराही संघटनांनी दिला आहे.
📢 तुमच्या भागातील ताज्या बातम्यांसाठी
👉 स्थानिक बातम्या, ब्रेकिंग अपडेट्स आणि ग्रामीण प्रश्नांवरील विशेष वृत्तांसाठी Kattanews.in ला दररोज भेट द्या.
🔎 Related News
- चिखला काकड प्रकरणामुळे जिल्ह्यात तणावपूर्ण वातावरण
- शिवाजी महाराज पुतळा वादावरून महाराष्ट्रात संताप
- महिलांवरील अत्याचाराविरोधात विविध संघटना आक्रमक
