accident : चालकाचे नियंत्रण सुटल्याने मंठा येथील ‘आयशर कंटेनरने’ तीन जणांना चिरडले या अपघातात सहा वर्षाची चिमुकली जागीच ठार झाली तर ३० वर्षीय महिला गंभीर जखमी झाल्याने त्यांना जालना येथे रुग्णालयात नेत असताना रस्त्यातच त्यांचा मृत्यू झाला असून एक जण गंभीर जखमी आहे. ही घटना मंठा शहरातील टोकवाडी रस्त्यावर सोमवार दि. २९ जुलै रोजी दुपारी १ वाजेच्या सुमारास घडली.
शाळेच्या मध्यंतरीच्या सुट्टीनंतर मायरा पठाण mayra pathan (वय ६) व वर्षा सचिन चव्हाण (वय वर्ष ३०) ही आपल्या मुलीला घरी घेऊन जात असताना टोकवाडी रोडकडून भरगाव वेगाने येणाऱ्या आयशर कंटेनर क्रमांक एम एच २० ई. एल. २८८२ च्या चालकाचे नियंत्रण सुटल्याने रोडच्या कडेला चालत असलेल्या रुपलारामचंद्र राठोड (वय ६५), वर्षा सचिन चव्हाण (वय ३०) दोघे रा. वीरगव्हाण व मायरा रफिक पठाण (वय ६, रा. मंठा) यांना चिरडले यात मायरा रफिक पठाण ही चिमुकली जागीच ठार झाली .
