देर आये दुरुस्त आये! केनवड येथे आ. अमित झनक यांच्या निधीतून उभारलेले तलाठी भवन अखेर लोकांच्या सेवेत

केनवड ग्रामपंचायत मंगल कार्यालयाच्या मागील बाजूस उभारण्यात आलेले हे तलाठी भवन केनवडसह पंचक्रोशीतील शेतकऱ्यांच्या महसूलविषयक अडीअडचणी सोडवण्यासाठी महत्त्वाचे ठरणार आहे.

या तलाठी भवनात मंडळ अधिकारी व तलाठी नियमितपणे उपस्थित राहून शेतकऱ्यांच्या जमीन नोंदी, फेरफार, उत्पन्न दाखले, सातबारा, महसूल प्रकरणे यावर कार्यवाही करणार आहेत.

विशेष म्हणजे हे तलाठी भवन गेल्या २ ते ३ वर्षांपासून तयार असतानाही प्रत्यक्षात वापरात न आणल्याने गावकऱ्यांमध्ये नाराजी होती. तहसील कार्यालयाच्या स्पष्ट सूचनांनंतरही अधिकारी येथे का बसत नव्हते, हा प्रश्न अजूनही अनुत्तरित आहे.

मात्र, “देर आये दुरुस्त आये” या म्हणीप्रमाणे अखेर संबंधित अधिकारी आपल्या दप्तऱ्यासह तलाठी भवनात बसू लागले असून त्यामुळे केनवड व परिसरातील शेतकऱ्यांमध्ये समाधानाचे वातावरण आहे.

आता यापुढे केनवड व संपूर्ण मंडळातील महसूल विभागाची सर्व कामे याच तलाठी भवनातून पार पडणार असल्याने शेतकऱ्यांचा वेळ, पैसा व त्रास वाचणार आहे.

🔗 संबंधित बातम्या

• रिसोड तालुक्यातील शेतकऱ्यांच्या समस्या वाढल्या
• वाशीम जिल्ह्यात महसूल विभागाच्या कामकाजावर नाराजी
• आमदार निधीतून उभारलेली विकासकामे