रिसोड | १२ जानेवारी २०२६
मृतकाचे नाव रुस्तम खा असदखा पठाण (वय ३५, रा. आढळ नगर, रिठद, ता. रिसोड, जि. वाशिम) असे असून तो पेट्रोल पंपाजवळील एका दुकानात काम करून आपल्या सहकाऱ्यासोबत रस्त्याच्या कडेला घराकडे जात होता. त्याचवेळी वाशिमकडून रिसोडच्या दिशेने भरधाव वेगात येणाऱ्या अज्ञात वाहनाने त्याला जोरदार धडक दिली.
धडक इतकी भीषण होती की रुस्तम खा याचा जागीच मृत्यू झाला. स्थानिक नागरिकांच्या माहितीनुसार, धडक दिल्यानंतर संबंधित वाहनाने युवकाला तब्बल २५ फूट अंतरापर्यंत फरपटत नेले. अपघातानंतर वाहन चालक पळून गेल्याने हिट अँड रनचा संशय व्यक्त केला जात आहे.
घटनेनंतर नागरिकांनी तत्काळ मदतकार्य करत जखमी युवकास वाशिम जिल्हा सामान्य रुग्णालयात दाखल केले. मात्र डॉक्टरांनी तपासणीअंती त्याला मृत घोषित केले. या अपघातामुळे काही काळ रिसोड–वाशिम मार्गावरील वाहतूक विस्कळीत झाली होती.
हे पण वाचा..
रिठद पेट्रोल पंपासमोर अज्ञात वाहनाची धडक; ३५ वर्षीय युवकाचा जागीच मृत्यू, वाहन चालक फरार
दिनांक ११ जानेवारी रोजी सकाळी शवविच्छेदन प्रक्रिया पूर्ण झाल्यानंतर मृतदेह कुटुंबीयांच्या ताब्यात देण्यात आला. दुपारी ३ वाजताच्या सुमारास रिठद येथील कब्रस्तानात रुस्तम खा यांचा दफनविधी करण्यात आला. या घटनेमुळे संपूर्ण रिठद गावात शोककळा पसरली आहे.
दरम्यान, पोलिसांनी अज्ञात वाहन चालकाचा शोध सुरू केला असून सीसीटीव्ही फुटेज तपासले जात आहे. या अपघाताबाबत पुढील तपास सुरू आहे.
📢 KattaNews.in – CTA
आपल्या परिसरातील ताज्या, विश्वासार्ह आणि वेगवान बातम्यांसाठी
KattaNews.in ला दररोज भेट द्या.
बातमी शेअर करा आणि सत्य पत्रकारितेला साथ द्या.
🔗 Related News
