शेगावात राष्ट्रपती द्रौपदी मुर्मूंचा दौरा; २५–२८ फेब्रुवारी राष्ट्रीय आरोग्य मेळाव्याची भव्य तयारी

कार्यक्रम स्थळ, हेलिपॅड, सुरक्षा व्यवस्था, रुग्ण व नागरिकांसाठी बसण्याची सुविधा, विविध पॅथींचे स्टॉल्स, औषध वितरण केंद्र आणि तपासणी कक्ष यांची प्रत्यक्ष पाहणी करण्यात आली. जिल्हा प्रशासनाच्या तयारीबाबत समाधान व्यक्त करत नागरिकांना कोणतीही अडचण भासू नये यासाठी आवश्यक सूचना देण्यात आल्या.

२५ फेब्रुवारी रोजी राष्ट्रपतींच्या हस्ते मेळाव्याचे उद्घाटन होणार असून राज्यपाल, मुख्यमंत्री व उपमुख्यमंत्री यांची प्रमुख उपस्थिती राहणार आहे. आयुष मंत्रालय, भारत सरकार आणि अखिल भारतीय आयुर्वेद महासंमेलन यांच्या संयुक्त विद्यमाने आयोजित हा मेळावा बुलढाणा जिल्ह्यासाठी अभिमानाची बाब मानला जात आहे.

मेळाव्यादरम्यान दररोज मोफत आरोग्य तपासणी, आवश्यक औषधांचे मोफत वितरण, ६६ औषधी स्टॉल्स आणि ३५ पेक्षा अधिक आरोग्य तपासणी स्टॉल्स नागरिकांसाठी उपलब्ध असतील.

२६ फेब्रुवारी रोजी आशा वर्कर्ससाठी “आजीबाईचा बटवा” प्रशिक्षण तसेच प्रगतशील शेतकऱ्यांसाठी वनौषधी लागवड, प्रक्रिया व विपणन कार्यशाळा आयोजित करण्यात येणार आहे.

२७ फेब्रुवारी रोजी मोफत नेत्र तपासणी, चष्मे वाटप आणि मोतीबिंदू शस्त्रक्रिया नोंदणी होणार असून ‘वयोश्री’ आणि ‘एडीआयपी’ योजनेंतर्गत दिव्यांग बांधव व ६० वर्षांवरील नागरिकांसाठी तपासणी व साहित्य नोंदणी करण्यात येणार आहे.

केंद्रीय मंत्री प्रतापराव जाधव यांनी नागरिकांनी मोठ्या संख्येने सहभागी होऊन या मेळाव्याचा लाभ घ्यावा असे आवाहन केले आहे.

नागरिकांसाठी उपलब्ध सुविधा

• मोफत आरोग्य तपासणी
• मोफत औषध वितरण
• नेत्र तपासणी व चष्मे वाटप
• मोतीबिंदू शस्त्रक्रिया नोंदणी
• वनौषधी शेती मार्गदर्शन
• दिव्यांग व ज्येष्ठ नागरिकांसाठी विशेष योजना

हे पण वाचा..

• बेराळा फाटा ‘मृत्यूचा सापळा’? एसटी बसच्या धडकेत दुचाकीस्वार ठार, पत्नी गंभीर
• चिखला काकड प्रकरण तापले : निरपराध ग्रामस्थांवरील गुन्हे मागे घ्या, दोषींवर कारवाई करा — वंजारी समाजाची एकमुखी मागणी
• चिखली नगर परिषदेत विजयी महिला नगरसेविकांचा भव्य सत्कार; स्त्रीशक्तीच्या नेतृत्वाचा गौरव

📢 तुमच्या परिसरातील ताज्या बातम्यांसाठी Kattanews.in ला भेट द्या.