बुलढाणा | ५ एप्रिल २०२६
बुलढाणा शहर पोलिस ठाण्यात कर्तव्यावर असताना पोलिस उपनिरीक्षकावर हल्ला झाल्याची गंभीर घटना समोर आली आहे. PSI वर हल्ला, पोलिस ठाण्यात मारहाण आणि कॉन्स्टेबल जखमी अशी ही घटना सध्या चर्चेचा विषय ठरत आहे.
२ एप्रिल रोजी दुपारी कर्तव्यावर असलेल्या पोलिस उपनिरीक्षक शशिकांत धारकरी यांच्यावर अक्षय सुधाकर कांबळे (वय २८, रा. जुनागाव) याने अचानक हल्ला केल्याचा आरोप आहे. आरोपी पत्नीसमवेत पोलिस ठाण्यात आला होता.
पत्नीला मारहाण करत असल्याचे दिसल्याने पोलिसांनी त्याला समज देत कायदेशीर मार्गाने तक्रार करण्यास सांगितले. मात्र यावरून संतप्त झालेल्या आरोपीने पोलिस ठाण्यातच शिवीगाळ सुरू केली.
परिस्थिती हाताळण्याचा प्रयत्न करत असताना आरोपीने PSI धारकरी यांची कॉलर पकडून त्यांना मारहाण केली. यावेळी त्याने जीवे मारण्याची धमकीही दिल्याचे समोर आले आहे.
दरम्यान, पोलिस कर्मचारी आणि उपस्थित नागरिकांनी तात्काळ हस्तक्षेप करत परिस्थिती नियंत्रणात आणली. हस्तक्षेप करताना पोलिस कॉन्स्टेबल राम मुंडे यांच्या हाताला दुखापत झाली.
आरोपीने पोलिस ठाण्यातील स्टेशन डायरी व कागदपत्रांची फेकाफेक करत शासकीय कामात अडथळा निर्माण केल्याचेही तक्रारीत नमूद आहे.
या प्रकरणी शहर पोलिस ठाण्यात गुन्हा दाखल करण्यात आला असून पुढील तपास पोलिस उपनिरीक्षक युवराज रबडे करत आहेत.
