गंगाधर बोरकर ,वाशिम -Crime news : लाजिरवाणी घटना बापानेच केला पोटच्या मुलीवर बलात्कार.एका ५० वर्षीय बापाने स्वतः च्याच १३ वर्षीय मुलीवर बलात्कार केल्याची घटना तालुक्यातील एका गावात घडली. बाप लेकीच्या पवित्र नात्याला काळिमा फासणाऱ्या या घटनेप्रकरणी पीडितेच्या आईने मालेगाव पोलिसांत १८ जुलै रोजी रात्री उशिरा तक्रार दाखल केली. त्यावरून पोलिसांनी आरोपी बापावर विविध कलमांन्वये गुन्हा दाखल केला.
पीडित मुलीची आई तिच्या मोठ्या मुलीची तब्येत बिघडल्याने तिला भेटण्यासाठी १२ जुलै रोजी पुणे येथे गेली होती.१६ जुलैला ती घरी परतल्यानंतर तिच्या १३ वर्षीय मुलीने बापाकडून झालेला शारीरिक अत्याचार आईजवळ कथन केला. बापाने कुन्हाडीचा धाक धाकवून कुकर्म केल्याचे तिने सांगितले. यामुळे मोठा धक्का बसलेल्या तिच्या आईने १८ जुलै रोजी रात्री मालेगाव पोलिसांत तक्रार दाखल केली.
पोलिसांनी बीएनएसमधील कलम ६४ (२), (एफ), ६५ (१), ३५१ (२), (३) सह पोक्सो कायद्यातील कलम ४ आणि ६ अन्वये नराधम बापावर गुन्हा दाखल केला. पुढील तपास ठाणेदार संजय चौधरी यांच्या मार्गदर्शनात पोलिस उपनिरीक्षक दिलीप रहाटे करीत आहे.
