बेराळा फाटा ‘मृत्यूचा सापळा’? एसटी बसच्या धडकेत दुचाकीस्वार ठार, पत्नी गंभीर

On: February 24, 2026 5:48 PM

चिखली-जालना मार्गावरील बेराळा फाट्यावर एसटी बस अपघाताचे दृश्य

चिखली | (दि. २४ फेब्रुवारी २०२६)

चिखली-जालना मार्गावरील बेराळा फाट्यावर आज सकाळी घडलेल्या भीषण अपघातात एसटी बसच्या धडकेत दुचाकीस्वाराचा जागीच मृत्यू झाला, तर त्यांच्या पत्नी गंभीर जखमी झाल्या. या घटनेमुळे परिसरात हळहळ व्यक्त होत असून हा मार्ग अपघातप्रवण असल्याची भीती नागरिकांत व्यक्त होत आहे.

केळवद येथील संजय पांडुरंग गायकवाड (वय ५८) व पत्नी शिला संजय गायकवाड (वय ५०) हे जांभोरा येथे देवदर्शनासाठी दुचाकीने जात होते. सकाळी सुमारे ९ वाजता बेराळा फाट्यावर रस्ता ओलांडत असताना जालण्याकडून येणाऱ्या भरधाव एसटी बस (क्रमांक MH-14 MH-0872, संभाजीनगर ते हिंगणघाट) ने त्यांच्या दुचाकीला जबर धडक दिली.या भीषण धडकेत संजय गायकवाड यांचा घटनास्थळीच मृत्यू झाला. त्यांच्या पत्नी शिला गायकवाड यांच्या डोक्याला गंभीर दुखापत झाली असून उपस्थित नागरिकांनी त्यांना तातडीने खासगी रुग्णालयात दाखल केले. वैद्यकीय सूत्रांच्या माहितीनुसार त्यांची प्रकृती चिंताजनक आहे.

अपघातानंतर परिसरात मोठी गर्दी झाली. स्थानिकांनी हा फाटा अत्यंत धोकादायक बनत असल्याची चिंता व्यक्त केली आहे. वारंवार होणाऱ्या अपघातांमुळे येथे वाहतूक नियंत्रण, वेगमर्यादा अंमलबजावणी आणि चेतावणी फलक लावण्याची मागणी नागरिकांकडून होत आहे.

या प्रकरणी बसचालकाविरुद्ध चिखली पोलिसांत गुन्हा दाखल करण्यात आला असून पुढील तपास ठाणेदार भुषण गावंडे यांच्या मार्गदर्शनाखाली पोलीस करीत आहेत.

📌 संबंधित बातम्या

👉 तुमच्या परिसरातील बातमी आम्हाला पाठवा

स्थानिक घटना, समस्या किंवा बातम्या WhatsApp वर पाठवा. Kattanews तुमचा आवाज बनवेल.

विशाल गवई

विशाल गवई हे चिखली तालुका प्रतिनिधी असून बुलढाणा, महाराष्ट्र येथील स्थानिक बातम्यांचा सखोल कव्हरेज करतात. ते ५ वर्षांहून अधिक पत्रकारितेत अनुभव आहेत आणि स्थानिक प्रशासन, ग्रामस्थ आणि समाजकार्याच्या घडामोडींवर लक्ष ठेवतात. वाचकांना त्यांच्या बातम्यांमधून नेमकी आणि विश्वासार्ह माहिती मिळते.