bus accident : शेगांव ला निघालेल्या बस चा भीषण अपघात राष्ट्रीय महामार्गावर तांदूळवाडी वळणानजीक एसटी बस धावत असताना अचानक ‘ऑटोरिक्षा’ रस्त्याच्या मधोमध पुढे आली. तिला वाचवण्यासाठी बसचालकाने तातडीने ब्रेक लावला. तो इतका जोमाने लागला की धावती बस अचानक थांबली अन् पाहता पाहता दुभाजकावर उलटली. सोमवारी सकाळी ९.१५ वाजता हा अपघात घडला. त्यात १६ प्रवासी जखमी झाले. खामगाव आगाराची शेगाव-शिर्डी shirdi-shegaon बस सोमवारी सकाळी ८.४० वाजता ३५ प्रवासी घेऊन मलकापूर येथून निघाली होती.
काचा फोडून काढले प्रवाशांना बाहेर
घटनेची माहिती कळताच परिसरातीला नागरिकांनी धाव घेतली. उलटलेल्या बसच्या काचा फोडून प्रवाशांना बाहेर काढण्यात आले, जीवितहानी टळली, मात्र चालकासह १६ प्रवासी जखमी झाले. त्यापैकी तिघांच्या डोक्याला गंभीर जखमा झाल्याने त्यांना बुलढाणा येथे हलविण्यात आले. उर्वरित जखमींना खासगी रुग्णालयात दाखल करण्यात आले आहे.
