बुलढाणा|भागवत गायकवाड
बुलढाणा जिल्ह्यातील कायदा व सुव्यवस्था अबाधित राखण्यासाठी बुलढाणा पोलिसांनी आणखी एक कठोर पाऊल उचलले आहे. धाड पोलीस स्टेशन हद्दीतील गुन्हेगारी प्रवृत्तीचा इसम रोशन गणेश शिंदे (वय 21, रा. धाड, जि. बुलढाणा) याला मा. पोलीस अधीक्षक, बुलढाणा यांनी एक वर्षाच्या कालावधीसाठी जिल्ह्याच्या हद्दीतून हद्दपार करण्याचे आदेश दिले आहेत.
सादर करण्यात आलेल्या प्रस्तावाची सखोल पडताळणी केल्यानंतर, मा. पोलीस अधीक्षक, बुलढाणा यांनी महाराष्ट्र पोलीस अधिनियम, 1951 च्या कलम 55(1) अन्वये रोशन गणेश शिंदे यास बुलढाणा जिल्ह्याच्या हद्दीतून एक वर्षासाठी हद्दपार करण्याचा आदेश पारित केला. या आदेशानुसार संबंधित इसमास आदेशाच्या कालावधीत जिल्ह्याच्या हद्दीत प्रवेश करण्यास सक्त मनाई असणार आहे.
बुलढाणा पोलीस प्रशासनाकडून जिल्ह्यातील कायदा व सुव्यवस्था कायम राखण्यासाठी गुन्हेगारी प्रवृत्तीच्या व्यक्तींवर सातत्याने कठोर प्रतिबंधात्मक कारवाई करण्यात येत आहे. पोलिसांनी स्पष्ट केले की, भविष्यातही अशा प्रकारच्या कारवाया प्रभावीपणे सुरू ठेवल्या जातील, जेणेकरून सर्वसामान्य नागरिकांना सुरक्षित व शांततामय वातावरण मिळेल.
या कारवाईमुळे धाड परिसरातील नागरिकांनी समाधान व्यक्त केले असून, पोलीस प्रशासनाच्या या निर्णयाचे स्थानिक स्तरावर स्वागत होत आहे. परिसरातील सुरक्षिततेच्या दृष्टीने ही कारवाई महत्त्वाची मानली जात आहे.
अधिक ताज्या बातम्यांसाठी Kattanews.in सोबत जोडलेले रहा.
📲 ताज्या बातम्या सर्वात आधी मिळवण्यासाठी आमच्या व्हॉट्सअॅप ग्रुपमध्ये सामील व्हा
संबंधित बातम्या
