प्रा.दिलीप नाईकवाड/बुलढाणा
दुसरबीड राष्ट्रसंत भगवान बाबा पुण्यतिथी मोठ्या भक्तीभावात साजरी करण्यात आली.राष्ट्रसंत भगवान बाबा पुण्यतिथी निमित्त सिंदखेडराजा तालुक्यातील दुसरबीड येथे दोन दिवसीय धार्मिक कार्यक्रमांचे आयोजन करण्यात आले होते.
बुलढाणा जिल्ह्यातील सिंदखेडराजा तालुक्यातील दुसरबीड येथे वार्ड क्रमांक एकमधील भगवान बाबा नगर परिसरात हा पुण्यतिथी सोहळा पार पडला. या कार्यक्रमाला परिसरातील भाविकांनी मोठ्या संख्येने उपस्थिती लावली.
हे पण वाचा..
अखेर कारवाई! शिंदी येथील तत्कालीन ग्रामसेवक दिनकर काळे निलंबित — महिलांशी गैरवर्तन व धमकी प्रकरण.
पुण्यतिथी सोहळ्याच्या पहिल्या दिवशी ह.भ.प. सुदाम महाराज पानेगावकर यांचे कीर्तन झाले. कीर्तनातून त्यांनी राष्ट्रसंत भगवान बाबा यांच्या विचारांचा जागर करत सदाचार, नामस्मरण व सामाजिक एकोपा जपण्याचा संदेश दिला.
दुसऱ्या दिवशी ह.भ.प. अनिल महाराज चेके यांचे काल्याचे कीर्तन संपन्न झाले. काल्याच्या कीर्तनानंतर महाप्रसादाचे आयोजन करण्यात आले. भाविकांनी मोठ्या श्रद्धेने महाप्रसादाचा लाभ घेतला.
महाप्रसादाने राष्ट्रसंत भगवान बाबा पुण्यतिथी सोहळ्याची भक्तीभावात सांगता झाली. संपूर्ण कार्यक्रम शांतता व धार्मिक वातावरणात पार पडला.
भाविकांसाठी आवाहन
अशाच स्थानिक, धार्मिक व सामाजिक घडामोडींच्या ताज्या व विश्वासार्ह बातम्यांसाठी Kattanews.in नियमित वाचा.
हे पण वाचा..
