सिंदखेडराजा/प्रतिनिधी
सिंदखेडराजा : सिंदखेडराजा तालुक्यातील दोन नायब तहसीलदारांच्या बदल्या.अमरावती विभागातील नायब तहसीलदार संवर्गातील दहा नायब तहसीलदारांच्या प्रशासकीय कारणावरून बदल्या करण्यात आल्या आहेत. या बदल्यांमध्ये सिंदखेड राजा (sindkhedraja) येथील तहसील कार्यालयातील दोन नायब तहसीलदारांचा सुद्धा समावेश आहे. महसूल नायब तहसीलदार संजय ढवळे यांची बदली बुलढाणा जिल्हाधिकारी कार्यालय येथे रोजगार हमी योजना नायब तहसीलदार म्हणून बदली झाली. त्यांना बदलीच्या ठिकाणी तत्काळ रुजू होण्यास सांगितले आहे. तर निवडणूक नायब तहसिलदार मनोज सातव यांची शेगाव येथे निवडणूक नायब तहसीलदार म्हणून बदली झाली आहे. मात्र निवडणुकीची आचारसंहिता संपल्यानंतरच त्यांना बदलीच्या ठिकाणी रुजू होण्याचे आदेश आहेत.
