KattaNews नवीन जाहिरात KattaNews जाहिरात KattaNews जाहिरात
हवामानबाजारभावशासन निर्णयनिवडणूकक्राईमनोकरीयोजनाफायनान्सलाइफस्टाइलगुंतवणूकऑटोएआयखेळआध्यात्मिकसिनेमा

मेहकर पोलिसांचा गांजा तस्करांवर मोठा छापा! १९ किलो ६६० ग्रॅम गांजासह सात जण ताब्यात

On: November 20, 2026 9:35 AM
Follow Us:
मेहकर पोलिसांनी १९ किलो ६६० ग्रॅम गांजा जप्त करून सात जणांना ताब्यात घेतले

मेहकर |माधव भांदुर्गे 

KattaNews जाहिरात 1

बुलढाणा जिल्ह्यातील मेहकर तालुक्यात गांजाच्या अवैध विक्रीविरोधात पोलिसांनी मोठी कारवाई केली आहे. मेहकर पोलिसांनी १९ नोव्हेंबर रोजी गौंडाळा शिवारातील समृद्धी महामार्गाच्या पुलाखाली सापळा रचून सात जणांना गांजासह ताब्यात घेतले. या कारवाईत १९ किलो ६६० ग्रॅम गांजा, मारुती सुझुकी इर्टिगा कार आणि मोबाईल फोन असा एकूण १९ लाख १ हजार ३०० रुपयांचा मुद्देमाल जप्त करण्यात आला आहे.

KattaNews जाहिरात 2

मेहकर पोलीस स्टेशनचे पोलीस निरीक्षक वेंकटेश्वर आलेवार यांना गोपनीय माहिती मिळाली होती की, पांढऱ्या रंगाच्या मारुती सुझुकी इर्टिगा कारमधून गांजाची विक्री करण्याच्या उद्देशाने मेहकर, जानेफळ आणि डोणगाव परिसरात अमली पदार्थ नेण्यात येणार आहेत. गौंडाळा शिवारातील समृद्धी महामार्गाच्या पुलाखाली गांजाचा व्यवहार होणार असल्याची माहिती मिळाल्यानंतर त्यांनी वरिष्ठ पोलीस अधिकाऱ्यांना याबाबत अवगत केले.

KattaNews जाहिरात 3

पोलीस अधीक्षक निलेश तांबे, अपर पोलीस अधीक्षक गायकवाड आणि उपविभागीय पोलीस अधिकारी संतोष खाडे यांच्या मार्गदर्शनाखाली मेहकर पोलिसांनी विशेष पथक तयार केले. मेहकर-जानेफळ मार्गावरील गौंडाळा गावाजवळील समृद्धी महामार्गाच्या पुलाखाली पोलिसांनी सापळा रचला. यावेळी एमएच २८ सीसी ९८३४ क्रमांकाची इर्टिगा कार संशयावरून थांबवून शासकीय पंचांसमक्ष तिची झडती घेण्यात आली.

KattaNews जाहिरात 4

वाहनाच्या मागील डिक्कीमध्ये ठेवलेल्या दोन सुटकेसमध्ये १९ किलो ६६० ग्रॅम गांजा आढळून आला. पोलिसांनी गांजा, कार आणि मोबाईल फोन असा एकूण १९ लाख १ हजार ३०० रुपयांचा मुद्देमाल जप्त केला. या प्रकरणात सात जणांना ताब्यात घेण्यात आले आहे. त्यांची नावे किरण विष्णू चांदणे (मुंदेफळ), योगेश वसंता पानभरे (पेडगाव), विकी रमेश दाभाडे, अभिषेक नारायण शेवाळे, संदीप आत्माराम दातार, सचिन भगवान फुके (जानेफळ) आणि रिया अमोल साठे (शास्त्रीनगर, कोथरूड, पुणे) अशी आहेत.

या प्रकरणी पोलीस उपनिरीक्षक कांचन जारवाल यांच्या फिर्यादीवरून मेहकर पोलीस स्टेशनमध्ये अपराध क्रमांक ७६३/२०२६ अन्वये एनडीपीएस कायद्याच्या कलम २(ब), ८(क), २०(ब) आणि २२ अंतर्गत गुन्हा दाखल करण्यात आला आहे.

आरोपींची वैद्यकीय तपासणी करून त्यांना न्यायालयासमोर हजर करण्यात आले. गांजा यापूर्वी जानेफळ, मेहकर आणि डोणगाव परिसरात आणखी कोणाला विकण्यात आला आहे का, तसेच या प्रकरणामागे आणखी कोणाचा सहभाग आहे का, याचा तपास पोलीस करणार आहेत. या तपासासाठी आरोपींच्या पोलीस कोठडीची मागणी करण्यात येणार असल्याची माहिती आहे.

या कारवाईत पोलीस निरीक्षक वेंकटेश्वर आलेवार, सहाय्यक पोलीस निरीक्षक शरद माळी, अशोक अवचार, कांचन जारवाल, पोलीस उपनिरीक्षक गणेश कड यांच्यासह मेहकर पोलीस ठाण्यातील अधिकारी व कर्मचाऱ्यांनी सहभाग घेतला. तसेच सायबर बुलढाणा पथकानेही या कारवाईत मदत केली.

मेहकर पोलिसांच्या या कारवाईमुळे परिसरातील अवैध अमली पदार्थ विक्रीचा मुद्दा पुन्हा चर्चेत आला आहे. या गांजा तस्करी प्रकरणाच्या पुढील तपासातून आणखी काही माहिती समोर येते का, याकडे नागरिकांचे लक्ष लागले आहे.

📲 बुलढाणा जिल्ह्यातील ताज्या बातम्यांसाठी KattaNews WhatsApp ग्रुपमध्ये सहभागी व्हा.

✅ WhatsApp ग्रुप जॉइन करा

वाचकांसाठी महत्त्वाचे : मेहकर, बुलढाणा आणि परिसरातील स्थानिक बातम्या, पोलीस कारवाया, शेती, बाजारभाव आणि शासकीय योजनांच्या ताज्या अपडेटसाठी KattaNews.in ला नियमित भेट द्या. ही बातमी आपल्या मित्र-परिवारासोबत शेअर करा.

📰 संबंधित बातम्या

देऊळगाव राजात शासकीय जमिनीवरून २०० ब्रास मुरूम गायब! महसूल विभागाची पोलिसांत धाव

मेहकरमध्ये पोलिसांची मोठी कारवाई! समृद्धी महामार्गाच्या पुलाखाली गांजाची वाहतूक पकडली; एका महिलेसह सात आरोपी

सिंदखेडराजा नगरपरिषद प्रशासनाविरोधात सफाई कामगारांचे आंदोलन; भिकमांगो अन् जेलभरोचा इशारा!

Join WhatsApp

Join Now

Join Telegram

Join Now

हे पण वाचा

देऊळगाव राजा येथे शासकीय जमिनीवरील २०० ब्रास मुरूम चोरी प्रकरण

देऊळगाव राजात शासकीय जमिनीवरून २०० ब्रास मुरूम गायब! महसूल विभागाची पोलिसांत धाव

मेहकर-जानेफळ रोडवर फर्धापूरजवळ गांजा वाहतुकीविरोधात पोलिसांची कारवाई

मेहकरमध्ये पोलिसांची मोठी कारवाई! समृद्धी महामार्गाच्या पुलाखाली गांजाची वाहतूक पकडली; एका महिलेसह सात आरोपी

सिंदखेडराजा नगरपरिषद प्रशासनाविरोधात सफाई कामगारांचे भिकमांगो व जेलभरो आंदोलन

सिंदखेडराजा नगरपरिषद प्रशासनाविरोधात सफाई कामगारांचे आंदोलन; भिकमांगो अन् जेलभरोचा इशारा!

मोताळा तालुक्यातील धामणगाव बढे येथील १७ वर्षीय नवलच्या मृत्यूची बातमी

चार बहिणींचा एकुलता एक आधार हरपला! धामणगाव बढे येथील १७ वर्षीय नवलचा चक्कर आल्याने मृत्यू

जिजाऊंची जन्मभूमी सिंदखेड राजा पर्यटन विकासासाठी डॉ. शशिकांत खेडेकर यांची पर्यटन मंत्र्यांकडे मागणी

जिजाऊंच्या जन्मभूमीचा विकास होणार? सिंदखेड राजासाठी डॉ. शशिकांत खेडेकरांचे पर्यटन मंत्र्यांना पत्र; केल्या ३ प्रमुख मागण्या!

चिखली तालुक्यातील कोलारा शिवारात बिबट्याच्या हल्ल्यात १२ बकऱ्या ठार

चिखली तालुक्यात बिबट्याचा धुमाकूळ! संरक्षण जाळीखालून गोठ्यात शिरकाव; १२ बकऱ्यांचा फडशा, शेतकऱ्याचे २ लाखांचे नुकसान!

Leave a comment