KattaNews नवीन जाहिरात KattaNews जाहिरात KattaNews जाहिरात
हवामानबाजारभावशासन निर्णयनिवडणूकक्राईमनोकरीयोजनाफायनान्सलाइफस्टाइलगुंतवणूकऑटोएआयखेळआध्यात्मिकसिनेमा

मेहकर-लोणारच्या शेतकऱ्यांना दिलासा! दोन धरणांतील पाणी शेतीसाठी उपलब्ध; ६०० हेक्टरला होणार फायदा

On: November 16, 2026 6:07 AM
Follow Us:
मेहकर लोणार शेतकऱ्यांसाठी उतावळी आणि पिंपळनेर धरणातून सिंचनासाठी पाणी सोडण्याचा निर्णय
मेहकर | विनायक कुटे 

KattaNews जाहिरात 1

रब्बी हंगामाच्या पार्श्वभूमीवर सिंचनाच्या पाण्याची प्रतीक्षा करणाऱ्या मेहकर आणि लोणार तालुक्यातील शेतकऱ्यांसाठी दिलासादायक निर्णय घेण्यात आला आहे. देऊळगाव साकर्शा येथील उतावळी प्रकल्पातून सोमवार, १६ नोव्हेंबर रोजी सकाळी ठीक १० वाजता कालव्याद्वारे शेतीसाठी पाणी सोडण्यात येणार आहे. तर लोणार तालुक्यातील पिंपळनेर लघु धरणातूनही पाणी सोडण्यात आले आहे. या दोन्ही निर्णयांमुळे परिसरातील शेतकऱ्यांना सिंचनासाठी पाण्याचा आधार मिळणार आहे. विशेषतः पिंपळनेर धरणाच्या माध्यमातून सुमारे ५०० ते ६०० हेक्टर क्षेत्र सिंचनाखाली येण्याची अपेक्षा आहे.

KattaNews जाहिरात 2

शेतकऱ्यांना उपलब्ध जलसाठ्याचा लाभ मिळावा, यासाठी आमदार सिद्धार्थ खरात यांनी संबंधित धरणांची प्रत्यक्ष पाहणी करून शेतकरी आणि अधिकाऱ्यांसोबत चर्चा केली. त्यानंतर पाणी वितरणाबाबत महत्त्वपूर्ण निर्णय घेण्यात आले.

KattaNews जाहिरात 3

देऊळगाव साकर्शा येथील उतावळी प्रकल्पात सध्या सुमारे पाच दशलक्ष घनमीटर पाणीसाठा उपलब्ध आहे. या पाण्याचा शेतीसाठी उपयोग व्हावा, यासाठी आमदार सिद्धार्थ खरात यांनी प्रकल्पस्थळी भेट दिली. यावेळी उपस्थित शेतकरी आणि संबंधित अधिकाऱ्यांसोबत उपलब्ध पाणीसाठा, कालव्याद्वारे पाणी वितरण आणि सिंचनाचे नियोजन यावर सविस्तर चर्चा झाली. त्यानंतर १६ नोव्हेंबर रोजी सकाळी १० वाजता कालव्याद्वारे पाणी सोडण्याचा निर्णय घेण्यात आला. त्यामुळे उतावळी प्रकल्पाच्या लाभक्षेत्रातील शेतकऱ्यांना मोठा दिलासा मिळण्याची अपेक्षा आहे.

KattaNews जाहिरात 4

दरम्यान, लोणार तालुक्यातील पिंपळनेर येथील लघु धरणाचीही आमदार खरात यांनी पाहणी केली. या धरणात सध्या ६६ टक्के पाणीसाठा उपलब्ध असल्याची माहिती देण्यात आली. या पाण्याचा लाभ गोत्रा, पिंपळनेर, देऊळगाव वायसा आणि पांग्रा डोळे यांसह परिसरातील चार ते पाच गावांतील शेतकऱ्यांना होणार आहे. या प्रकल्पातून जवळपास ५०० ते ६०० हेक्टर क्षेत्र सिंचनाखाली येण्याची अपेक्षा आहे. यावेळी आमदार सिद्धार्थ खरात यांच्या हस्ते धरणातून पाणी सोडण्यात आले आणि सिंचन प्रक्रियेला सुरुवात झाली.

यावेळी आमदार सिद्धार्थ खरात यांनी सांगितले की, संपूर्ण मतदारसंघातील शेतकऱ्यांच्या कल्याणासाठी आणि हितासाठी आपण सदैव प्रयत्नशील आहोत. शेतकऱ्यांच्या चेहऱ्यावर आनंद पाहण्यासाठी आवश्यक ते प्रयत्न करण्याची आपली तयारी असून, उपलब्ध पाणीसाठ्याचा शेतीसाठी योग्य वापर व्हावा आणि शेतकऱ्यांना दिलासा मिळावा, हा यामागील उद्देश आहे. धरणावर प्रत्यक्ष उपस्थित राहून पाणी सोडता आले, याचा आनंद असल्याचेही त्यांनी सांगितले.

या निर्णयामुळे मेहकर-लोणार मतदारसंघातील सिंचनाचा प्रश्न काही प्रमाणात मार्गी लागण्यास मदत होणार आहे. रब्बी हंगामात पिकांना पाणी उपलब्ध होणे महत्त्वाचे असल्याने उतावळी प्रकल्पातून होणारा पाणीपुरवठा आणि पिंपळनेर धरणातून सुरू झालेले सिंचन शेतकऱ्यांसाठी महत्त्वाचे ठरणार आहे.

यावेळी लोणार तालुका प्रमुख राजू बुधवत, प्रा. गजानन खरात, साहेबराव हिवाळे, डॉ. बदर, सरपंच संतोष शिंदे, गजानन बर्डे यांच्यासह स्थानिक गावकरी आणि शेतकरी उपस्थित होते.

तसेच उपजिल्हाप्रमुख आशिष रहाटे, माजी जिल्हा परिषद सदस्य संजय वडतकर, राजगुरू सर, संजय सुळकर, गजानन तात्या कृपाळ, डॉ. नंदकिशोर देशमुख, राजेश गायकवाड, देवकर, नंदू राजेकर, प्रमोद बापू देशमुख, नरेंद्र पवार, दिलीप राठोड, पंडित बापू देशमुख आणि संदीप पवार यांच्यासह स्थानिक पदाधिकारी, कार्यकर्ते, संबंधित अधिकारी व परिसरातील शेतकरी मोठ्या संख्येने उपस्थित होते.


📲 बुलढाणा जिल्ह्यातील ताज्या बातम्यांसाठी KattaNews शी जोडलेले राहा!

मेहकर, लोणार, देऊळगाव साकर्शा आणि संपूर्ण बुलढाणा जिल्ह्यातील महत्त्वाच्या बातम्या सर्वप्रथम आपल्या मोबाईलवर मिळवण्यासाठी आमच्या WhatsApp ग्रुपमध्ये सहभागी व्हा.

✅ Join WhatsApp Group

आपल्या परिसरातील बातमी आम्हाला पाठवा

आपल्या गावातील, तालुक्यातील शेतकरी, शेती, पाणीपुरवठा, प्रशासन आणि जनहिताच्या प्रश्नांशी संबंधित माहिती किंवा बातमी आमच्यापर्यंत पोहोचवा. महत्त्वाच्या स्थानिक घडामोडींना KattaNews च्या माध्यमातून व्यापक व्यासपीठ मिळवून देण्याचा आमचा प्रयत्न आहे.

संबंधित बातम्या

विनायक कुटे

विनायक कुटे हे कट्टा न्यूज (Kattanews.in) चे प्रतिनिधी असून सामाजिक, प्रशासकीय आणि जनहिताच्या विषयांवर सातत्याने वार्तांकन करतात. नियमभंग, नागरिकांच्या समस्या, सार्वजनिक हिताशी संबंधित प्रश्न आणि प्रशासनाच्या कार्यपद्धतीवर प्रकाश टाकणे, ही त्यांच्या पत्रकारितेची ओळख आहे. सत्य, अचूक आणि विश्वासार्ह माहिती वाचकांपर्यंत पोहोचवण्यावर त्यांचा विशेष भर असतो.

Join WhatsApp

Join Now

Join Telegram

Join Now

हे पण वाचा

टाकरखेडा मुसलमान येथे गोपाल पवार यांच्या मृत्यू प्रकरणी घटनास्थळी दाखल पोलीस अधिकारी

टाकरखेडा मुसलमानमध्ये गोपाल पवार यांची हत्या; ३० वर्षीय तरुणाच्या मृत्यूने खळबळ, DYSP घटनास्थळी

धाड पोलिसांनी नाकाबंदीत हस्तगत केलेली चोरीची बैलजोडी आणि लोखंडी बैलगाडी

धाड पोलिसांची नाकेबंदी ठरली गेमचेंजर! रात्री बैलजोडी चोरीला, पहाटे नाकाबंदीत चोर पकडला!

अंढेरा पोलीस महिला अंमलदार ज्योत्स्ना गवई यांनी तीन वर्षीय चिमुरड्याला पालकांकडे सुखरूप सोपवले

एसटी बसमध्ये रडणाऱ्या ३ वर्षीय चिमुरड्याला महिला पोलिसांनी दिला आधार; अंढेरा पोलिसांची समयसूचकता!

बुलढाणा सार्वजनिक बांधकाम विभागाच्या ९९ कोटींच्या निधी वाटपावरून लहान कंत्राटदारांचा आरोप

९९ कोटींचा निधी आला, पण लहान कंत्राटदारांची बिले थकली! बुलढाण्यात बांधकाम विभागावर दुजाभावाचा आरोप

साखरखेर्डा येथील १६ वर्षीय सिद्धार्थ इंगळे याचा तापानंतर मृत्यू

आधी ८ वर्षांचा चिमुकला, आता १६ वर्षीय विद्यार्थी… साखरखेर्डा येथे तापाच्या घटनांनी चिंता वाढवली; १० दिवसांच्या उपचारानंतर विद्यार्थ्याचा मृत्यू

समृद्धी महामार्गावर दुसरबीडजवळ भरधाव ट्रकची वाहनांना धडक

टँकर हटवताना थांबली वाहने, मागून आला भरधाव ट्रक अन् 15 वाहनांना चिरडले! समृद्धी महामार्गावर भीषण अपघात

Leave a comment