तक्रारीनुसार, काही वेळानंतर अमोल टिकार पुन्हा बँकेत आले. यावेळी त्यांनी शाखा व्यवस्थापकांशी वाद घालत शिवीगाळ केली आणि चापटा व बुक्क्यांनी मारहाण केल्याचा आरोप आहे. हा वाद मिटविण्यासाठी पुढे आलेले कृषी अधिकारी योगेश विजय भुतेकर यांनाही चापट मारून शिवीगाळ करण्यात आली तसेच जीवे मारण्याची धमकी दिल्याचे तक्रारीत नमूद करण्यात आले आहे. या प्रकारामुळे काही काळ बँकेतील कामकाज विस्कळीत झाले.
घटनेनंतर शाखा व्यवस्थापक शिवाजी कड यांनी खामगाव शहर पोलीस ठाण्यात तक्रार दाखल केली. पोलिसांनी अमोल विश्वासराव टिकार (पाटील), रा. बोरी अडगाव, ता. खामगाव यांच्याविरुद्ध भारतीय न्याय संहिता (BNS) कलम 132, 115(2), 351(2) व 352 अंतर्गत गुन्हा नोंदविला आहे. या प्रकरणाचा पुढील तपास सुरू आहे.
दरम्यान, या घटनेच्या निषेधार्थ सेंट्रल बँक ऑफ इंडियाचे बुलढाणा, अकोला आणि वाशिम जिल्ह्यातील अधिकारी-कर्मचारी तसेच विविध राष्ट्रीयीकृत व सहकारी बँकांचे अधिकारी आणि कर्मचारी मोठ्या संख्येने खामगाव शहर पोलीस ठाण्यासमोर जमले. त्यांनी आरोपीला तातडीने अटक करण्याची मागणी करत निषेध व्यक्त केला.
यावेळी बँक युनियनचे पदाधिकारी निलेश खंडारे यांनी कर्तव्य बजावत असलेल्या बँक अधिकारी व कर्मचाऱ्यांच्या सुरक्षिततेचा मुद्दा उपस्थित केला. अशा घटनांवर कठोर कारवाई करून दोषींवर कायदेशीर कारवाई करण्यात यावी, अशी मागणी त्यांनी केली.
खामगाव शहर पोलीस ठाण्याचे निरीक्षक सुरेंद्र अहेरकर यांनी आंदोलकांशी चर्चा करून प्रकरणाचा तपास सुरू असून कायद्यानुसार योग्य ती कारवाई करण्यात येईल तसेच आरोपीला लवकरात लवकर अटक करण्यासाठी प्रयत्न सुरू असल्याचे सांगितले. त्यानंतर सर्व बँक अधिकारी व कर्मचारी शांततेत परतले.
📲 आमच्या WhatsApp ग्रुपमध्ये सामील व्हा
महाराष्ट्रातील ब्रेकिंग न्यूज, सरकारी योजना, शेती, शिक्षण, नोकरी, हवामान आणि स्थानिक घडामोडींचे सर्वात जलद अपडेट मिळवण्यासाठी आमच्या अधिकृत WhatsApp ग्रुपमध्ये आजच सहभागी व्हा.
