IMD Weather Update: बुलढाण्यासह विदर्भात पुढील 7 दिवस पावसाची शक्यता; हवामान विभागाचा ताजा अलर्ट

बुलढाणा |समाधान सरकटे 

IMD Weather Update नुसार भारत मौसम विज्ञान विभागाच्या (IMD) प्रादेशिक मौसम केंद्र, नागपूर यांनी बुलढाण्यासह संपूर्ण विदर्भासाठी पुढील सात दिवसांचा Weather Forecast जाहीर केला आहे. या Maharashtra Rain Alert नुसार बुलढाणा, अकोला, वाशीम, अमरावती, नागपूर, यवतमाळ, वर्धा, भंडारा, गोंदिया, चंद्रपूर आणि गडचिरोली जिल्ह्यांमध्ये काही ठिकाणी मुसळधार पाऊस, तर अनेक भागांत मेघगर्जनेसह हलका ते मध्यम पाऊस पडण्याची शक्यता आहे. त्यामुळे नागरिक आणि शेतकऱ्यांनी हवामान विभागाच्या ताज्या सूचनांचे पालन करण्याचे आवाहन करण्यात आले आहे.

भारत मौसम विज्ञान विभागाने जारी केलेल्या अंदाजानुसार ७ आणि ८ जुलै रोजी बुलढाणा जिल्ह्यात सर्वसाधारणपणे ढगाळ वातावरण राहण्याची शक्यता असून काही ठिकाणी जोरदार पावसाची शक्यता व्यक्त करण्यात आली आहे. ९ जुलै रोजी मेघगर्जनेसह पावसाचा अंदाज आहे, तर १० ते १३ जुलैदरम्यान हलका ते मध्यम स्वरूपाचा पाऊस पडण्याची शक्यता वर्तविण्यात आली आहे.

👉 विशेष जाहिरात | अधिक माहितीसाठी क्लिक करा

या कालावधीत कमाल तापमान ३० ते ३२ अंश सेल्सिअस आणि किमान तापमान २१ ते २३ अंश सेल्सिअसच्या दरम्यान राहण्याची शक्यता आहे. हवामानातील बदल लक्षात घेता शेतकरी, प्रवासी आणि सर्वसामान्य नागरिकांनी अद्ययावत हवामान अंदाजावर लक्ष ठेवून आवश्यक ती खबरदारी घ्यावी.

बुलढाण्यासह अकोला, वाशीम, अमरावती, यवतमाळ, नागपूर, वर्धा, भंडारा, गोंदिया, चंद्रपूर आणि गडचिरोली जिल्ह्यांमध्ये पुढील काही दिवस पावसाचे वातावरण कायम राहण्याचा अंदाज हवामान विभागाने व्यक्त केला आहे. काही भागांत मेघगर्जना आणि विजांच्या कडकडाटासह पाऊस होण्याची शक्यता असल्याने उघड्या जागेत थांबणे टाळावे आणि सुरक्षित ठिकाणी आश्रय घ्यावा, असे आवाहन करण्यात आले आहे.