रिसोड | नारायणराव आरु पाटील
वाशीम क्राईम न्यूजमध्ये पुन्हा एकदा धक्कादायक मारहाण प्रकरण समोर आले आहे. रिसोड तालुक्यातील हराळ शिवारात शेतातील वादातून एका युवकावर लोखंडी दातड्याने हल्ला करण्यात आला. या घटनेमुळे परिसरात भीतीचे वातावरण निर्माण झाले असून रिसोड पोलिसांनी तात्काळ गुन्हा दाखल करून पोलिस तपास सुरू केला आहे.
सुरुवातीला बोलाचाली झाली, मात्र दुपारी पुन्हा आलेल्या आरोपीने “तु मला फिरून बोलतो का? तु लय माजला का?” असे म्हणत संताप व्यक्त केला. या वादातून अचानक परिस्थिती चिघळली आणि आरोपीने हातातील लोखंडी दातड्याने सौरभ यांच्या मांडीवर जोरदार वार केला.
👉 विशेष जाहिरात | अधिक माहितीसाठी क्लिक करा
या हल्ल्यात सौरभ वानखेडे गंभीर जखमी झाले. त्यांना तात्काळ रिसोड येथील ग्रामीण रुग्णालयात दाखल करण्यात आले असून त्यांच्यावर उपचार सुरू आहेत.
या मारहाण प्रकरणी रिसोड पोलिसांनी आरोपीविरोधात गुन्हा दाखल केला असून पुढील तपास सुरू आहे. ग्रामीण भागातील गुन्हे वाढत असल्याने नागरिकांमध्ये चिंतेचे वातावरण आहे.
👉 अशाच ताज्या वाशीम क्राईम न्यूज आणि महाराष्ट्रातील ब्रेकिंग अपडेटसाठी Kattanews.in ला नियमित भेट द्या.
