समृद्धी महामार्गावर भीषण आग : बॅटऱ्यांनी भरलेला ट्रक काही क्षणांत जळून खाक, चालकाच्या सतर्कतेमुळे मोठी दुर्घटना टळली

मिळालेल्या माहितीनुसार, उत्तर प्रदेशातील गाझीपूर येथील चालक रोहित कुमार हा यूपी ६५ आरडी २१४० क्रमांकाच्या ट्रकमधून बनारस येथून इन्व्हर्टरच्या बॅटऱ्या घेऊन नाशिकच्या दिशेने निघाला होता. सकाळी ८ वाजण्याच्या सुमारास दुसरबीड परिसरातील चॅनेल क्रमांक ३१२ जवळ ट्रकमधून अचानक धूर निघू लागला.

👉 विशेष जाहिरात | अधिक माहितीसाठी क्लिक करा

धूर दिसताच चालकाने तत्काळ ट्रक रस्त्याच्या कडेला उभा केला. मात्र काही क्षणांतच आगीने विक्राळ रूप धारण केले आणि संपूर्ण ट्रक आगीत भस्मसात झाला.

घटनेची माहिती मिळताच समृद्धी महामार्ग पोलिस घटनास्थळी दाखल झाले. सहायक पोलिस निरीक्षक इंगळे यांच्यासह शेख नासिर, नाजीम चौधरी, श्रीकृष्ण ढुंगू, गायकवाड आणि इंदल राजपूत यांनी तत्काळ धाव घेतली. तसेच मेहकर नगरपालिकेचे अग्निशमन दलही घटनास्थळी पोहोचले आणि आगीवर नियंत्रण मिळवले.

या घटनेमुळे काही काळ महामार्गावरील वाहतूक विस्कळीत झाली होती. सुदैवाने या आगीत कोणतीही जीवितहानी झाली नाही.

दरम्यान, बॅटऱ्यांमुळे आग लागल्याची शक्यता व्यक्त केली जात असून या घटनेचा अधिक तपास सुरू आहे.

👉 संबंधित बातम्या

• Breaking News: ओव्हरलोड वाळू वाहतूक प्रकरणात RTO ची १० टिप्परवर धडक कारवाई; ₹7.86 लाखांचा दंड
• देऊळगावराजा हादरला! दगडवाडीत मध्यरात्री भीषण आग, गॅस सिलेंडर स्फोटात 7 जखमी; लाखोंचे नुकसान
• देऊळगाव राजात धक्कादायक घटना! वॉटरपार्कमध्ये २२ वर्षीय तरुणाचा बुडून मृत्यू; सुरक्षेवर गंभीर प्रश्न

📢 तुमच्यासाठी महत्त्वाचे

अशाच ब्रेकिंग न्यूज, अपघात अपडेट्स आणि स्थानिक बातम्या सर्वात आधी मिळवण्यासाठी आमच्या कट्टा न्यूज  ला दररोज भेट द्या.