मैत्रीच्या दुनियेतील राजा माणूस म्हणून ओळखले जाणारे तसेच दिसना.. ह्या नावाने परिसरामध्ये ख्याती असलेले जेष्ठ पत्रकार तथा शिक्षक दीपक नागरे सर यांचा सेवानिवृत गौरव सोहळा ४ ऑगस्ट, रविवारी दुपारी येथील पंचायत समिती सभागृहात पार पडला. दीपक नागरे हे अष्टपैलू व्यक्तिमत्त्व असून सिंदखेडराजा मतदारसंघात शैक्षणिक, पत्रकारिता, सामाजिक, राजकीय, कृषी आदि जवळपास सर्वच क्षेत्रांत त्यांनी काम केले आहे.
पत्रकारितेच्या माध्यमातून सिंदखेडराजा, देऊळगावराजा परिसरातील समाजातील विविध घटकांना न्याय देण्यासाठी त्यांनी केले आहे.जेष्ठ पत्रकार तथा शिक्षक दीपक नागरे यांचा सेवानिवृत गौरव सोहळा ४ ऑगस्ट, रविवारी दुपारी येथील पंचायत समिती सभागृहात पार पडला. यावेळी बहुजन पत्रकार संघाचे संस्थापक अध्यक्ष पुरुषोत्तम आवारे पाटील, शिक्षण क्षेत्रातील नामांकित व मेटा शिक्षक संघटनेचे अध्यक्ष प्रदीप रोडे, उपविभागीय पोलिस अधिकारी मनीषा कदम, मंत्रालयातून सेवानिवृत्त झालेले सिद्धार्थ खरात यांच्यासह सामाजिक पत्रकारिता आदि चळवळीत सक्रिय असलेल्या मान्यवरांच्या प्रमुख उपस्थितीत पार पडला.
यावेळी राष्ट्रमाता जिजाऊ, व स्व. वसंतराव नाईक यांच्या पुतळ्याला पुष्पहार अर्पण करून अभिवादन करण्यात आले.याप्रसंगी दीपक नागरे यांचा सपत्नीक सत्कार मान्यवरांचे हस्ते करण्यात आला. कार्यक्रमाला सामाजिक, राजकीय, शैक्षणिक आदि क्षेत्रातील मान्यवरांनी दीपक नागरे यांच्यावर भेटवस्तू स्वरुपात पुस्तके, पेन व पुष्गुच्छ यांचा अक्षरशः वर्षाव केला.
