साखरखेर्ड्यात महिला दिनी कर्तृत्ववान महिलांचा सन्मान; “स्त्री शक्तीचा सन्मान हीच खरी ओळख” – वर्षाताई उगलमुगले

या कार्यक्रमाला साखरखेर्डा येथील सरपंच सौ. ज्योती अमित जाधव, भाग्यश्री श्रीनिवास खेडेकर, माजी सरपंच सौ. पुनम महेंद्र पाटील, वैद्यकीय अधिकारी डॉ. वैष्णवी दिनकरराव राठोड, अखिल भारतीय ग्रामीण पत्रकार संघाचे पश्चिम विदर्भ उपाध्यक्ष प्रतापराव मोरे, शंकरराव उगलमुगले, डॉ. गोपाल परिहार, जिल्हा सचिव डी. एन. पांचाळ, औषध निर्माता डॉ. गोपाल मानतकर आदी उपस्थित होते.

👉 विशेष जाहिरात | अधिक माहितीसाठी क्लिक करा

महिलांना घरकाम सांभाळत सामाजिक, राजकीय आणि आरोग्य सेवेत मोठ्या जबाबदाऱ्या पार पाडाव्या लागतात. शिक्षण, आरोग्य, अंगणवाडी सेविका आणि आशा वर्कर्स म्हणून कार्य करताना अनेक अडचणी येतात, मात्र त्या न डगमगता आपले कर्तव्य पार पाडतात. अशा महिलांचा सन्मान झाल्यास त्यांना काम करण्यासाठी नवी ऊर्जा मिळते, असे प्रतिपादन सरपंच सौ. ज्योती जाधव यांनी केले.

यावेळी आरोग्य सेविका प्रमिला कोवे, आशा वर्कर्स ज्योती दिलीप इंगळे आणि डॉ. वैष्णवी राठोड यांनी मनोगत व्यक्त करताना कोरोना काळात केलेल्या कार्याची समाजाने दखल घेतली नसल्याची खंत व्यक्त केली. मात्र अशा सन्मान सोहळ्यांमुळे आपल्या कार्याची योग्य दखल घेतली जाते आणि समाजात काम करण्यासाठी प्रेरणा मिळते, असे त्यांनी सांगितले.

जागतिक महिला दिनानिमित्त साखरखेर्डा येथील प्राथमिक आरोग्य केंद्रात विविध क्षेत्रात कार्य करणाऱ्या महिलांचा सन्मान करण्यात आला. यामध्ये डॉ. भाग्यश्री श्रीनिवास खेडेकर, वर्षाताई शंकरराव उगलमुगले, सरपंच सौ. ज्योती अमित जाधव, माजी सरपंच सौ. पुनम महेंद्र पाटील, डॉ. वैष्णवी राठोड, डॉ. निलीमा देशमुख, डॉ. जयश्री शेळके, प्रमिला माधवराव कोवे, शांता सुखदेव वाघ, कविता विठोबा इंगळे, ज्योती दिलीप इंगळे, शिला सुधिर इंगळे, दिपाली सुपाजी पिठलोड, अस्मिता दिनकर पारधे, पूजा अशोक चव्हाण, मिनाक्षी भरत गवई, स्वाती बाबूराव डोंगरदिवे, मिना काशिनाथ बिडवे, सिद्धुबाई गाडेकर, ज्योती सुरेश चांगाडे, पुनम ज्ञानेश्वर सरकटे, वैशाली रविंद्र गवई, दिपाली विशाल डोळे, एन. आर. झिने, जे. डी. काळे, रेखा खिल्लारे आणि छाया संतोष गोडाले यांचा समावेश होता.

या कार्यक्रमाचे आयोजन अखिल भारतीय ग्रामीण पत्रकार संघाचे जिल्हाध्यक्ष अशोक इंगळे, जिल्हा उपाध्यक्ष सचिन खंडारे, सचिव डी. एन. पांचाळ, प्रसिद्धी प्रमुख समाधान सरकटे आणि राधेश्याम बंगाळे यांनी केले. कार्यक्रमाचे सूत्रसंचालन सचिन खंडारे यांनी केले.

👉 वाचा संबंधित बातम्या

• धक्कादायक! शिक्षिका पत्नीचा अपघात नसून सुपारी देऊन खून; पतीसह दोघे अटकेत
• मेहकरमध्ये धक्कादायक घटना! बुलढाणा मुख्यालयातील पोलिस नाईकाने विहिरीत उडी मारून केली आत्महत्या; कारण अद्याप गूढ
• साखरखेर्डा परिसरातील ताज्या बातम्या

📢 KattaNews.in वर आपल्या भागातील बातमी प्रसिद्ध करा

आपल्या गावातील समस्या, सामाजिक उपक्रम, अपघात, गुन्हे किंवा विशेष बातमी आमच्यापर्यंत पोहोचवा.

WhatsApp News Tip : आपल्या भागातील बातमी आम्हाला पाठवा.

KattaNews.in – तुमच्या परिसरातील विश्वासार्ह बातम्या