दुसरबिड | ७ मार्च २०२६
मिळालेल्या माहितीनुसार, बीबी येथील रहिवासी सुर्यकांत नंदाजी कांगणे हे खापरखेड येथील शाळेत मुख्याध्यापक म्हणून कार्यरत आहेत. ४ मार्च रोजी सकाळी ते शाळेत गेले होते. त्यानंतर त्यांच्या पत्नी देखील गहू काढणीसाठी शेतात जाण्यापूर्वी घराला कुलूप लावून गेल्या होत्या.
दरम्यान, दुपारी सुमारे तीन वाजण्याच्या सुमारास सुर्यकांत कांगणे व त्यांची पत्नी घरी परतले असता घराचे कुलूप तोडलेले दिसून आले. घरात कोणीतरी असल्याचा संशय आल्याने त्यांनी तत्परतेने घराचा दरवाजा बाहेरून बंद केला आणि तात्काळ पोलिसांना माहिती दिली.
पोलिसांनी घटनास्थळी पोहोचून घराची तपासणी केली असता घरात लपून बसलेला आरोपी तेजस सुरेश वैद्य (वय ३०, रा. गणेश नगर, गारखेडा, संभाजीनगर) याला रंगेहात पकडले. आरोपी घरातील कपाट उचकून चोरी करत असल्याचे समोर आले.
फिर्यादी सुर्यकांत कांगणे यांनी दिलेल्या माहितीनुसार, घरातील कपाटातून सुमारे ६ हजार रुपये रोख रक्कम व सुमारे ८ हजार रुपये किमतीचा मोबाईल असा एकूण १४ हजार रुपयांचा मुद्देमाल चोरी करण्याचा प्रयत्न आरोपी करत होता. तसेच घरातील काही कागदपत्रे फाडून नुकसान केल्याचेही समोर आले आहे.
या प्रकरणी सुर्यकांत कांगणे यांच्या फिर्यादीवरून पोलिसांनी आरोपीविरुद्ध गुन्हा क्रमांक ५८/२०२६ अन्वये भारतीय न्याय संहिता (BNS) कलम ३३१(१) व ३०५ नुसार गुन्हा दाखल केला आहे. पुढील तपास पोलिसांकडून सुरू आहे.
Related News
- मेहकर MIDC परिसरात युवकाचा दगडाने ठेचून खून
- लाच घेताना अप्पर कोषागार अधिकाऱ्यासह तिघे ACB च्या जाळ्यात
- 632 शिक्षकांवर मोठी कारवाई! शालार्थ आयडी घोटाळ्यात नियुक्त्या अवैध; वेतन थांबवून पगार वसुलीचे आदेश
👉 स्थानिक बातम्या, ब्रेकिंग न्यूज आणि बुलढाणा जिल्ह्यातील ताज्या घडामोडींसाठी नियमित भेट द्या Kattanews.in ला.
