साखरखेर्डा |२० फेब्रुवारी २०२६
साखरखेर्डा येथे प.पू. श्री प्रल्हाद महाराज जन्मोत्सव, रथोत्सव मिरवणूक आणि धार्मिक उत्सव या प्रमुख आकर्षणांनी नगरीत भक्तिमय वातावरण निर्माण झाले. हजारो भाविकांच्या उपस्थितीत काढण्यात आलेल्या भव्य रथोत्सव मिरवणुकीने जन्मोत्सव सोहळ्याची सांगता करण्यात आली. सकाळी संस्थानातून सुरू झालेली मिरवणूक गुजरी चौक, श्रीराम मंदिर आणि श्रींच्या निवासस्थानापर्यंत जाऊन पुन्हा मंदिरात परतली.
१७ फेब्रुवारी रोजी रामदास पंत आचार्य यांनी श्रींच्या जीवनचरित्रावर प्रवचन सेवा दिली. त्यानंतर गुलाल उधळीत जन्मोत्सव सोहळा साजरा करण्यात आला. महाराष्ट्रातील हजारो भाविक या सोहळ्यास उपस्थित होते.
आठ दिवस चाललेल्या दासनवमी महोत्सवात प्रवचनकार पंकज किंबहुने, वसू भारद्वाज, रामदासपंत आचार्य आणि मुकुंदराव मुळे यांनी प्रवचन सेवा दिली. किर्तनकार संदीप बुवा मांडके, स.भ. व्यास अंबिकाताई लिंबेकर आणि प्रणव बुवा जोशी यांनी कीर्तन सादर केले. गायन सेवा भुषण महाजन, घननिळ पाटील, आत्माराम दुतोंडे, श्रीपाद निंबेकर, कृष्णेंद्र वाडीकर आणि नागेश अडगावकर यांनी सादर केली.
दासनवमी महोत्सवानिमित्त आयोजित आठ दिवसांच्या कार्यक्रमांनी साखरखेर्डा नगरीत आध्यात्मिक आणि भक्तिमय वातावरण निर्माण झाले होते.
👉 Related News
📢 Call To Action
👉 स्थानिक, धार्मिक आणि सामाजिक घडामोडींच्या विश्वासार्ह बातम्यांसाठी Kattanews.in नियमित वाचा.
👉 ताज्या अपडेटसाठी आमच्या WhatsApp चॅनलला आजच जॉइन करा.
