साखरखेर्डा प्रतिनिधी| समाधान सरकटे
येथील श्री रोकडोबा हनुमान मंदिरामागील हिंदू स्मशानभूमीत राहणाऱ्या एका 34 वर्षीय महिलेने अंगावर डिझेल ओतून स्वतःला जाळून घेतल्याची दुर्दैवी घटना घडली. या घटनेत तिचा जागीच मृत्यू झाला. ही घटना 6 जून रोजी दुपारी चार वाजताच्या सुमारास घडली. त्याच स्मशानभूमीत रविवारी सकाळी 11 वाजता तिच्यावर अंत्यसंस्कार करण्यात आले.
मृत महिलेचे नाव शारदा प्रकाश धनसरवाड (वय 34) असे असून त्या मूळच्या धानकी, तालुका उमरखेड, जिल्हा यवतमाळ येथील रहिवासी होत्या.
👉 विशेष जाहिरात | अधिक माहितीसाठी क्लिक करा
प्रकाश रमेश धनसरवाड यांचे कुटुंब स्मशानजोगी व्यवसायासाठी या भागात आले होते. काही सामाजिक कार्यकर्त्यांनी त्यांना साखरखेर्डा येथील तीन स्मशानभूमींची स्वच्छता व वृक्षसंवर्धनाचे काम करण्याचा सल्ला दिला होता. या कामासाठी स्थानिक नागरिकांकडून त्यांना मदतही केली जात होती.
काही महिन्यांपासून हे कुटुंब साखरखेर्ड्यात वास्तव्यास होते. गावातील नागरिकांशी त्यांची चांगली ओळख निर्माण झाली होती. स्थानिक लोकवर्गणीतून माजी जिल्हा परिषद उपाध्यक्ष रामभाऊ जाधव आणि सेवानिवृत्त कनिष्ठ अभियंता संतोष मोरे यांच्या पुढाकाराने त्यांच्यासाठी छोटेसे घरही बांधून देण्यात आले होते.
मिळालेल्या माहितीनुसार, 6 जून रोजी दुपारी प्रकाश धनसरवाड हे चहा आणण्यासाठी बसस्थानकावरील अनिल सोरमारे यांच्या हॉटेलवर गेले होते. त्यावेळी त्यांची मुले स्मशानभूमीतील वृक्षाखाली खेळत होती. दरम्यान, शारदा धनसरवाड यांनी घरात स्वतःला पेटवून घेतले. त्यात त्या गंभीररीत्या भाजल्याने जागीच मृत्यू झाला.
घटनेची माहिती मिळताच त्यांना तातडीने प्राथमिक आरोग्य केंद्रात नेण्यात आले. मात्र वैद्यकीय अधिकाऱ्यांनी त्यांना मृत घोषित केले. त्यानंतर शवविच्छेदनासाठी मृतदेह पाठविण्यात आला.
या प्रकरणी साखरखेर्डा पोलीस स्टेशनमध्ये पोलीस हेडकॉन्स्टेबल नामदेव काळे यांनी प्रकाश धनसरवाड यांच्या फिर्यादीवरून मर्ग दाखल केला आहे. पुढील तपास पोलिस उपनिरीक्षक संदीप मेंधने करीत आहेत.
महत्त्वाची नोंद
जर तुम्हाला किंवा तुमच्या परिचयातील कोणाला मानसिक तणाव, नैराश्य किंवा आत्महत्येचे विचार येत असतील तर तातडीने कुटुंबीय, मित्र, डॉक्टर किंवा मानसिक आरोग्य तज्ज्ञांची मदत घ्या. योग्य वेळी मिळालेली मदत जीव वाचवू शकते.
Related News
- राजुरा हत्याकांडात धक्कादायक वळण! दफन केलेला मृतदेह पुन्हा बाहेर काढला, तपासाला नवी दिशा
- महिलांच्या पर्सवर ठेवत होती पाळत; लाखोंचे दागिने चोरणारी महिला अखेर जेरबंद
- शिवानी जिवंत निघाली, तपास फसला; उपनिरीक्षकासह 4 पोलिस कर्मचारी निलंबित
Kattanews.in वर अपडेट राहा
बुलढाणा, विदर्भ, महाराष्ट्र आणि देशातील ताज्या, विश्वासार्ह व जलद बातम्यांसाठी Kattanews.in ला नियमित भेट द्या.
