लक्ष्मण बिल्हारे/प्रतिनिधी
परतूर विधानसभा मतदारसंघात आज राजकीय वर्तुळात मोठा भूकंप झाला आहे. काँग्रेस आणि राष्ट्रवादी काँग्रेसच्या शेकडो कार्यकर्त्यांनी भारतीय जनता पक्षात प्रवेश करून स्थानिक राजकारणात मोठी खळबळ निर्माण केली आहे.ही ऐतिहासिक घटना दिवाळी पाडव्याच्या स्नेह मिलन कार्यक्रमात घडली, ज्यामध्ये माजी मंत्री व परतूर विधानसभेचे आमदार बबनराव लोणीकर आणि भाजपा महाराष्ट्र प्रदेश सचिव राहुल लोणीकर यांच्या नेतृत्वाखाली प्रवेश सोहळा पार पडला.
नवप्रवेशित कार्यकर्त्यांचा विश्वास आणि भूमिका
पूर्वाश्रमी पक्षकार्यकर्ते, ज्यामध्ये कट्टर जेथलिया समर्थक ज्ञानेश्वर माऊली तनपुरे आणि राष्ट्रवादी काँग्रेसचे शिवाजीराव जाधव, यांच्यासह शेकडो कार्यकर्त्यांनी भाजपाच्या विकासाभिमुख दृष्टिकोनावर विश्वास व्यक्त केला.शिवाजीराव जाधव यांनी सांगितले, “आम्ही भाजपाच्या नेतृत्वाखाली महाराष्ट्रात झपाट्याने बदल घडवू इच्छितो. जनतेला न्याय देणे, विकास योजनांचा लाभ पोहोचवणे हे आमचे उद्दिष्ट आहे.”माऊली तनपुरे यांनीही यावेळी आपला पक्ष प्रवेशाचे कारण स्पष्ट करत सांगितले की, “पूर्वी आम्ही काँग्रेस व राष्ट्रवादीत कार्यरत होतो, मात्र स्थानिक नेतृत्वाची कमतरता आणि जनतेपासून दुरावलेली भूमिका यामुळे आम्ही नाराज होतो. भाजपात प्रवेश करून आम्ही विकासाभिमुख कार्यात सहभागी होणार आहोत.”
भाजपात प्रवेशाचे दृश्यप्रवेश
सोहळा शेकडो वाहनांच्या ताफ्यासह ढोल-ताशांच्या गजरात पार पडला. कार्यकर्त्यांना आमदार बबनराव लोणीकर यांनी भाजपाचा रुमाल घालून प्रवेश दिला. परतूर व मंठा तालुक्यांमध्ये भाजप आधीच मजबूत आहे, तर या प्रवेशामुळे पक्षाची ताकद अधिक बळकट झाली आहे.
भाजपात प्रवेशाचे दृश्यप्रवेश सोहळा शेकडो वाहनांच्या ताफ्यासह ढोल-ताशांच्या गजरात पार पडला. कार्यकर्त्यांना आमदार बबनराव लोणीकर यांनी भाजपाचा रुमाल घालून प्रवेश दिला. परतूर व मंठा तालुक्यांमध्ये भाजप आधीच मजबूत आहे, तर या प्रवेशामुळे पक्षाची ताकद अधिक बळकट झाली आहे.
आमदार बबनराव लोणीकर यांचे विकास उपक्रम
परतूर विधानसभा मतदारसंघात आमदार लोणीकर यांनी विविध विकास कामांना चालना दिली आहे:४,७०० कोटी रुपयांचा निधी गावांच्या विकासासाठी उपलब्ध करून दिला.३०० गावांमध्ये मूलभूत सुविधा जसे रस्ते, पाणी, वीज पोहोचवले.६५ गावांमध्ये पक्के रस्ते बांधले, पावसाळ्यात चिखल आणि हिवाळ्यात धूळ यापासून मुक्ती मिळाली.२०० गावांत सांस्कृतिक सभागृह उभारले.परतूर मंठा वॉटर ग्रिड प्रकल्पाद्वारे १७३ गावांना स्वच्छ पिण्याचे पाणी उपलब्ध.मागासवर्गीय मुलींसाठी हॉस्टेल्स उपलब्ध करून देऊन शिक्षणास सुलभता निर्माण केली.पर्यटन विकासासाठी ५०० कोटी रुपयांचा निधी खर्च.रस्ते विकासासाठी १,१०० कोटी रुपयांचा निधी गावांना शहरांशी जोडण्यासाठी वापरला.
परतूर विधानसभा मतदारसंघात भाजपाच्या वाढत्या प्रभावामुळे आगामी स्थानिक स्वराज्य संस्था निवडणुकीत भाजपची विजयाची शक्यता अधिक मजबूत झाली आहे. नवप्रवेशित कार्यकर्त्यांचा अनुभव, विकासाभिमुख भूमिका आणि नेतृत्वावर विश्वास यामुळे परतूरमध्ये भाजपाचा विकासात्मक प्रवास दिवसेंदिवस दृढ होत आहे.
