मेहकर| कट्टा न्यूज नेटवर्क
या प्रकरणातील तक्रारदार हे वकील असून त्यांच्या पक्षकाराच्या जमिनीच्या फेरफार रद्द संदर्भातील अपीलावर 23 फेब्रुवारी 2026 रोजी अंतिम आदेश झाला होता. मात्र, त्या आदेशाची मूळ प्रत देण्यासाठी आरोपी अधिकाऱ्याने 20 हजार रुपयांची मागणी केल्याचा आरोप आहे.
तक्रारदाराने याबाबत एसीबीकडे तक्रार दाखल केल्यानंतर प्राथमिक पडताळणीत लाच मागणीची पुष्टी झाली. त्यानंतर 16 एप्रिल रोजी सापळा रचण्यात आला. उपविभागीय अधिकारी कार्यालयातील त्यांच्या कक्षातच आरोपीने लाचेची रक्कम स्वीकारताच एसीबीच्या पथकाने त्यांना रंगेहात पकडले.
या कारवाईमुळे महसूल विभागात मोठी खळबळ उडाली असून संबंधित अधिकाऱ्याविरुद्ध भ्रष्टाचार प्रतिबंधक कायद्यानुसार गुन्हा दाखल करण्याची प्रक्रिया सुरू आहे. पुढील तपास सुरू असून अधिक तपशील लवकरच समोर येण्याची शक्यता आहे.
ही कारवाई पोलीस अधीक्षक बापू बांगर आणि अप्पर पोलीस अधीक्षक सचिंद्र शिंदे यांच्या मार्गदर्शनाखाली पार पडली. पोलीस उपअधीक्षक जगदीश परदेशी यांच्या नेतृत्वाखालील पथकाने ही कारवाई यशस्वी केली.
👉 Related News
- धक्कादायक! RBI कडून एका बँकेवर 6 महिन्यांचे कडक निर्बंध – पैसे काढायलाही बंदी
- महाराष्ट्रात उष्णतेचा कहर, हवामान खात्याचा इशारा
- धक्कादायक! मोहाडीत ऑटो चालकाची आत्महत्या; ३५ वर्षीय शरद इंगळे यांचा मृत्यू, कारण अस्पष्ट
📢 हे नक्की करा..
अशाच ताज्या, वेगवान आणि विश्वासार्ह बातम्यांसाठी Kattanews.in ला नियमित भेट द्या.
ही बातमी शेअर करा आणि आपल्या मित्रांनाही अपडेट ठेवा.
