mehkar : मेहकर तालुक्यातील जानेफळ janefal येथील १२ दिवसांपासून बेपत्ता झालेला रविकांत सुभाष नवले ravikant subhas navle वय ३३ या युवकाचा मृतदेह जानेफळ बायपास मार्गावरील असलेल्या गट्टूशेठ राठी gattusheth rathi यांच्या शेताजवळ पाण्यामध्ये दि. १ ऑगस्ट रोजी सकाळी शेतात जाणाऱ्या नवले यांना आढळून आला. ही माहिती मिळताच जानेफळ पोलीस स्टेशनचे ठाणेदार अजिनाथ मोरे, पी एस आय राहुल चव्हाण, बिट जमादार अंभोरे, पोलीस कॉ. डी वाय पाटील, पो कॉ. शेळके खुपीया विभागाचे कैलास चतरकर घटनास्थळी दाखल झाले होते.
घटनास्थळा वरून प्रेत सामाजिक कार्यकर्ते प्रा कृष्णा हावरे, सतिष मुरडकर, असलम शेख यांच्यासह गावकऱ्यांनी काढल्यानंतर मयत रविकांत नवले याच्या भावाने तो मृतदेह रविकांतचाच असल्याचे अंगावरील कपड्यावरून ओळखले. फिर्यादीचा भाऊ मयत ‘रविकांत सुभाष नवले’ हा मोटरसायकलसह सदर पाण्यात जाऊन पडला व त्याचा मृत्यू झाला असावा, त्यामुळे त्याचे मृत्यू बाबत कोणताही संशय नसल्याचे त्याने नमूद केले. सदर फिर्यादीवरून मर्ग दाखल करण्यात आला य प्रकरणाचा अधिक तपास जानेफळ पोलीस करीत आहेत.
