Manipur violence : संशयित दहशतवाद्यांनी केलेल्या हल्ल्यात केंद्रीय राखीव पोलिस दलाचा CRPF (सीआरपीएफ) एक जवान शहीद झाला, अशी माहिती पोलिसांनी दिली. मणिपूरच्या manipur जिरीबाम jiribamजिल्ह्यात मोंगबुंग mongbung गावात रविवारी सकाळी ही घटना घडली.
एक पोलिस कर्मचारी जखमी झाला असून, त्याला रुग्णालयात दाखल करण्यात आले आहे. ‘अजय कुमार झा’ AJAY KUMAR JHA (४३) असे शहीद झालेल्या जवानाचे नाव असून, तो बिहारचा रहिवासी आहे. त्यांच्या डोक्यात गोळी लागल्याने त्यांना रुग्णालयात दाखल करण्यात आले होते तेथे डॉक्टरांनी त्यांना तपासून मृत घोषित केले. मणिपूर गेल्यावर्षीच्या मेपासून मैतेई व कुकी समुदायांमधील हिंसाचाराने त्रस्त आहे.
हल्ल्यानंतर अतिरिक्त सुरक्षा दल तैनात एक्सवर एका पोस्टमध्ये मुख्यमंत्री एन. बिरेन सिंह यांनी हल्ल्याचा निषेध केला आहे. रविवारच्या हल्ल्यानंतर शेजारील डोंगरी भागातून मोंगबुंग येथे अतिरिक्त सुरक्षा दल तैनात करण्यात आले आहे.
