khamgaon : प्रवाशांना घेवून खामगावकडे येणाऱ्या प्रवाशी ऑटोला शेगाव खामगाव shegaon-khamgaonमार्गावरील टाकळी जवळ ‘भीषण अपघात’ झाला आहे. या अपघातात ऑटोचालकासह एक प्रवाशी ठार झाला असून तीन जण जखमी झाल्याची घटना ९ ऑक्टोबर रोजी दुपारी घडली. शेगाव shegaon येथील रेल्वे स्थानकाजवळून प्रवाशांना घेवून खामगावच्या khamgaon दिशेने येणारा ऑटो क्रमांक एमएच २८ टी ३७१६ दुपारी ४ वाजेदरम्यान टाकळी विरो फाट्याजवळ आला असता समोरून येणाऱ्या एका अज्ञात वाहनाने ऑटोला जोरदार धडक दिली. या अपघातात ऑटो चालक चंद्रकात तुळशीराम पाचपोर chandrakant tulshiram pachpor (४४) हा जागीच ठार झाला.
तर ऑटोमधील प्रवाशी वैशाली अजय तायडे रा. पुणे, विजय आघाव रा. शेगाव, शालिग्राम पारस्कर रा. वडाळी, नर्मदाबाई धनोकार रा. पळशी बु. हे गंभीर स्वरूपाने जखमी झाले. जखमींना तातडीने उपचारार्थ खामगाव khamgaon येथील शासकिय रूग्णालयात दाखल करण्यात आले. तेथे शालिग्राम पारस्कर यांचेवर प्रथमोपचार करून प्रकृती चिंताजनक झाल्याने त्यांना अकोला येथे उपचारार्थ हलविण्यात आले होते. मात्र त्यांचा वाटेतच मृत्यु झाल्याची माहिती आहे. याप्रकरणी शेगाव shegaon ग्रामीण पोलिसांना माहिती मिळताच त्यांनी घटनास्थळी धाव घेतली. याप्रकरणी पोलिसांकडून ऑटोला धडक देवून पसार झालेल्या वाहनाचा शोध घेतल्या जात आहे. याप्रकरणी वृत्त लिहेपर्यंत पोलिसांची गुन्हा दाखल करण्याची कारवाई सुरू होती.
