crime : अमरावती amravati , चांदूरबाजार येथील बारा वर्षे वयाच्या मुलीवर अत्याचार झाल्याने तिला गर्भधारणा झाली. याप्रकरणी चांदूरबाजार पोलिसांनी आरोपी आकाश पारिसेविरूध्द गुन्हा दाखल केला आहे. आकाश अरुण पारिसे (२५) याने बारा वर्षे वयाच्या मुलीला बळजबरीने आपल्या सोबत नेऊन घरी तिच्यावर ‘अत्याचार’ केला. त्यामुळे तिला अतोनात त्रास होऊ लागला.
हा त्रासतब्बल एक महिना चालला, त्यामुळे मुलीच्या आईने तिला रुग्णालयात तपासणीकरिता नेले असता ती चार आठवडे तीन दिवसांची गर्भवती असल्याचे निदर्शनास आले. याबाबत चांदूरबाजार पोलिसांना डॉक्टरांनी कळविल्यानंतर तिची संपूर्ण चौकशी केली असता आकाश अरुण पारिसे याने तिच्यासोबत शारीरिक संबंध स्थापित केल्याचे निदर्शनास आले. महिलेच्या तक्रारीवरून आरोपी आकाश अरुण पारिसे यांच्याविरुद्ध कलम ३७६,३७६(३), ५०६ अंतर्गत गुन्हा दाखल करण्यात आला आहे.
