बुलढाणा (जिमाका) |५ मार्च २०२६
बुलढाणा जिल्हा परिषद महिला व बालकल्याण विभागामार्फत वैयक्तिक लाभाच्या योजनांसाठी पात्र लाभार्थ्यांची ईश्वर चिठ्ठीद्वारे निवड ९ मार्च २०२६ रोजी सकाळी ११ वाजता छत्रपती शिवाजी महाराज सभागृह येथे ऑन कॅमेऱ्यासमोर पारदर्शक पद्धतीने पार पडणार आहे. विशेष म्हणजे या योजनांचा लाभ Direct Benefit Transfer (DBT) पद्धतीने थेट लाभार्थ्यांच्या बँक खात्यात जमा करण्यात येणार आहे.
जिल्हा परिषद सेस २०२५-२६ अंतर्गत ग्रामीण भागातील दिव्यांग महिला व दिव्यांग मुलींना पिठाची चक्की पुरविण्यासाठी एकूण २७९ अर्ज प्राप्त झाले असून त्यातून ३० लाभार्थ्यांची संभाव्य निवड करण्यात येणार आहे. या योजनेमुळे ग्रामीण भागातील स्वावलंबनाला चालना मिळणार असल्याचे सांगण्यात येत आहे.तसेच सन २०२४-२५ विशेष घटक प्रवर्ग योजनेअंतर्गत ग्रामीण भागातील शाळकरी मुलींना लेडीज सायकल पुरविण्यासाठी ३७९ अर्ज प्राप्त झाले असून त्यातून १८५ लाभार्थ्यांची संभाव्य निवड ईश्वर चिठ्ठीद्वारे करण्यात येणार आहे. या उपक्रमामुळे मुलींच्या शिक्षणाला गती मिळणार असून शाळेत जाणे सुलभ होणार आहे.संपूर्ण निवड प्रक्रिया ऑन कॅमेऱ्यासमोर आणि पूर्ण पारदर्शक पद्धतीने पार पाडण्यात येणार असल्याने लाभार्थ्यांचा विश्वास अधिक दृढ होणार आहे. संबंधित पात्र अर्जदारांनी वेळेवर उपस्थित राहावे, असे आवाहन महिला व बालकल्याण विभागामार्फत करण्यात आले आहे.📌 महत्त्वाचे: निवड झालेल्या लाभार्थ्यांना DBT पद्धतीने थेट खात्यात निधी जमा केला जाणार असून कोणत्याही मध्यस्थाची गरज भासणार नाही.
👉 Kattanews.in वर अशीच अपडेटेड सरकारी योजना व बुलढाणा जिल्ह्याच्या ताज्या बातम्यांसाठी नियमित भेट द्या.
Related News
