buldhana news : डोणगाव dongaon पोलीस ठाण्याचे अंमलदार सतीश मुळे satish mule खंडणी मागून खोट्या गुन्ह्यात अडकविण्याची धमकी देत असल्याची तक्रार करत डोणगावच्या dongaon एका तरुणाने पोलीस अधीक्षक कार्यालयात पेटवून घेत आत्मदहनाचा प्रयत्न केला. मात्र पोलिसांनी वेळीच त्याला ताब्यात घेतले.
१२ सप्टेंबरला दुपारी सव्वाबाराच्या सुमारास ही घटना घडल्याने पोलीस दलात एकच खळबळ उडाली. ‘मेहकर’ तालुक्यातील डोणगावचा रहिवासी असलेला बिलाल शाह मोहसीन शाह हा युवक १८ सप्टेंबरला दुपारी सव्वाबाराच्या सुमारास डिझेलने भरलेली बाटली घेऊन पोलीस अधीक्षक कार्यालयाच्या आवारात दाखल झाला. काही वेळातच त्याने अंगावर डिझेल ओतले. याठिकाणी कर्तव्यावर असलेल्या पोलिसांनी त्याला तत्काळ पकडल्याने अनुचित घटना टळली.
डोणगाव पोलीस ठाण्यामध्ये कार्यरत पोलीस हेड कॉन्स्टेबल सतीश मुळे हे जाणूनबुजूनत्रास देत असल्याचा आरोप बिलाल शाहने केला. खोट्या गुन्ह्यात अडकविण्याची धमकी देऊन खंडणीची मागत असल्याची तक्रार बिलाल शाहने केली होती. मात्र ही तक्रार गांभीर्याने घेण्यात आली नाही. कर्मचाऱ्यावर कारवाई होत नसल्याने आत्मदहन करण्यासाठी आल्याचे युवकाने सांगितले.
