चिखली | प्रतिनिधी/विशाल गवई
दर्पणकार बाळशास्त्री जांभेकर जयंती निमित्ताने मराठी पत्रकारितेच्या सामाजिक भूमिकेवर प्रकाश टाकण्यात आला.
दर्पणकार बाळशास्त्री जांभेकर जयंती हा दिवस पत्रकारांसाठी प्रेरणादायी ठरतो, असे मत यावेळी व्यक्त करण्यात आले.
दि. ६ जानेवारी २०२६ रोजी आशिर्वाद मंगल कार्यालय, सवणा फाटा, चिखली येथे आयोजित या कार्यक्रमात मराठी पत्रकारितेचे जनक दर्पणकार बाळशास्त्री जांभेकर यांच्या प्रतिमेचे विधिवत पूजन करून हार व पुष्प अर्पण करत अभिवादन करण्यात आले.
कार्यक्रमात संघटनेचे संस्थापक अध्यक्ष विनोद पवार यांनी दर्पणकार बाळशास्त्री जांभेकर यांच्या जीवनकार्यावर सखोल मार्गदर्शन केले. समाजप्रबोधन, सत्यनिष्ठ पत्रकारिता आणि सामाजिक बांधिलकी या मूल्यांचा वारसा त्यांनी पुढील पिढीस दिला, असे त्यांनी नमूद केले.
या कार्यक्रमाच्या अध्यक्षस्थानी जिल्हाध्यक्ष विजय जगदीश जयस्वाल उपस्थित होते. त्यांनी पत्रकारितेच्या नैतिकतेवर आणि जबाबदारीवर भर देत पत्रकारांनी लोकशाहीचा चौथा स्तंभ म्हणून सजग राहण्याचे आवाहन केले.
तालुकाध्यक्ष शे. कदीर शे. शब्बीर व कार्याध्यक्ष प्रशांत जैवाळ यांच्या मार्गदर्शनाखाली हा कार्यक्रम यशस्वीपणे पार पडला.
यावेळी सौ. उमाताई प्रशांत जैवाळ, मेघाताई जाधव, शहबाज शेख, जाकीर खान, हरसिंग छर्रे, विशाल गवई, अस्लम हिरीवाले यांच्यासह अनेक पत्रकार, पदाधिकारी व मान्यवर मोठ्या संख्येने उपस्थित होते.
कार्यक्रमाच्या शेवटी दर्पणकार बाळशास्त्री जांभेकर यांच्या विचारांवर चालण्याचा संकल्प करत पत्रकारितेच्या सामाजिक बांधिलकीचा संदेश देण्यात आला. कार्यक्रम यशस्वी होण्यासाठी उपस्थित सर्वांनी मोलाचे सहकार्य केले.
