साखरखेर्डा : १६ एप्रिल २०२६
राज्यात पुन्हा एकदा धक्कादायक आत्महत्येची घटना समोर आली आहे. मोहाडी येथे ऑटो चालकाची आत्महत्या झाल्याने परिसरात खळबळ उडाली आहे. ३५ वर्षीय शरद इंगळे यांनी विषारी औषध प्राशन करून जीवन संपवल्याची ही हृदयद्रावक घटना आहे. कुटुंबाचा आधार असलेल्या या ऑटो चालकाच्या मृत्यूमुळे गावात शोककळा पसरली असून नेमकं कारण अद्याप अस्पष्ट आहे. पोलिसांनी या प्रकरणी तपास सुरू केला आहे.
मिळालेल्या माहितीनुसार, शरद सुखदेव इंगळे हे साखरखेर्डा ते मोहाडी मार्गावर ऑटोरिक्षा चालवून आपल्या कुटुंबाचा उदरनिर्वाह करत होते. १४ एप्रिल रोजी दुपारी सुमारे ३ वाजताच्या सुमारास त्यांनी मोहाडी येथे विषारी औषध प्राशन केले.
👉 विशेष जाहिरात | अधिक माहितीसाठी क्लिक करा
ही बाब त्यांच्या होमगार्ड असलेल्या भाऊ राहुल इंगळे यांच्या लक्षात येताच त्यांनी तात्काळ गावकऱ्यांच्या मदतीने शरद यांना चिखली येथील रुग्णालयात दाखल केले. मात्र उपचार सुरू असताना रात्री त्यांची प्रकृती खालावली आणि अखेर त्यांचा मृत्यू झाला.
या घटनेमुळे मोहाडी गावात हळहळ व्यक्त होत आहे. कष्टाळू आणि शांत स्वभावाच्या शरद यांच्या अकाली जाण्याने कुटुंबावर दु:खाचा डोंगर कोसळला आहे. त्यांनी आत्महत्या का केली याचे नेमके कारण अद्याप समोर आले नसून संबंधित यंत्रणा तपास करत आहे.
Related News
