धक्कादायक! ९२ वर्षांच्या आजीला चाकूचा धाक दाखवून १३ लाखांची लूट; ३ महिन्यांपासून फरार ‘बाली’ अखेर अटकेत

नाकातील नथ काढताना आजीला जाग आली असता आरोपींनी चाकूचा धाक दाखवत तिच्याकडील सर्व दागिने जबरदस्तीने हिसकावून घेतले. यात सोन्याच्या बांगड्या, पोत आणि कानातील दागिन्यांचा समावेश होता. त्या काळातील किमतीनुसार ५६ हजारांचा मुद्देमाल चोरीला गेला होता, मात्र आजच्या बाजारभावानुसार त्याची किंमत तब्बल १३ लाख रुपये आहे.

👉 विशेष जाहिरात | अधिक माहितीसाठी क्लिक करा

या प्रकरणी अनिल चव्हाण यांनी साखरखेर्डा पोलीस स्टेशनमध्ये फिर्याद दिल्यानंतर पोलिसांनी तपास सुरू केला. तपासादरम्यान दोन आरोपींना अटक करण्यात आली होती, मात्र मुख्य आरोपी ‘बाली’ फरार होती.

दरम्यान, पोलिसांना माहिती मिळाली की बाली ही मोहदरी येथे आपल्या माहेरी शेतात लपून बसली आहे. बीट जमादार निवृत्ती पोफळे आणि त्यांच्या पथकाने सापळा रचून २४ मार्च रोजी तिला अटक केली.

न्यायालयाने आरोपीला चार दिवसांची पोलीस कोठडी सुनावली असून पुढील तपास सुरू आहे. या प्रकरणातील निलेश महाजन आणि रामेश्वर हामरे हे दोघे आरोपी अद्याप फरार असून पोलीस त्यांचा शोध घेत आहेत.

दरम्यान, पोलिसांनी अटक आरोपींकडून चोरीचा सर्व मुद्देमाल हस्तगत केला आहे.

हे पण वाचा…