मेरा बु.| ११ फेब्रुवारी २०२६
मेरा बुद्रुक (खडका शिवार) येथे श्री गजानन महाराज प्रकटदिन मोठ्या भक्तिभावात आणि उत्साहात साजरा करण्यात आला. दरवर्षीप्रमाणे यावर्षीही हजारो भाविक भक्तांनी श्री गजानन महाराजांचे दर्शन घेत महाप्रसादाचा लाभ घेतला. परिसरात भक्तिमय वातावरण निर्माण झाले होते.
प्रकट दिनाच्या दोन दिवस अगोदर श्री गजानन विजय ग्रंथाचे पारायण भक्तांच्या उपस्थितीत पार पडले. तिसऱ्या दिवशी ह.भ.प. श्री खडके महाराज यांचे काल्याचे किर्तन झाले. त्यानंतर दहीहंडीचा कार्यक्रम उत्साहात पार पडला.
प्रकट दिनी सकाळी महाआरती करण्यात आली. त्यानंतर महाप्रसादाचे वितरण सुरू झाले. महिला व पुरुष सेवाधारी मंडळींनी भक्तिभावाने सेवा दिली.
महाप्रसादाचे वितरण मुख्यमंत्री ना. मा. देवेंद्रजी फडणवीस यांचे खाजगी सचिव विद्याधरजी महाले यांच्या हस्ते करण्यात आले.
हे पण वाचा..
या कार्यक्रमास आमदार सौ. श्वेताताई महाले पाटील, माजी आमदार शशिकांतजी खेडेकर, नगराध्यक्ष पंडितराव देशमुख, भाजपा प्रदेश उपाध्यक्ष विजयजी कोठारी, विविध विभागांचे अधिकारी, सामाजिक व राजकीय पदाधिकारी तसेच पंचक्रोशीतील हजारो भाविक भक्त उपस्थित होते.
श्री गजानन महाराज प्रकटदिनाच्या निमित्ताने भक्ती, सेवा व श्रद्धेचा संगम अनुभवायला मिळाला. ग्रामस्थ व सेवाधाऱ्यांच्या सहकार्यामुळे कार्यक्रम यशस्वी झाला.
Related News :
- लोणावळा दुर्घटना : मेहकरच्या प्रज्वल गिरीचा दरीत कोसळून दुर्दैवी मृत्यू, सर्वत्र हळहळ
- बुलढाणा जिल्ह्यात विविध धार्मिक उत्सवांना भाविकांचा प्रतिसाद
- भरधाव ट्रकची कारला धडक; साखळी फाट्याजवळ भीषण अपघातात तरुणाचा जागीच मृत्यू
अशाच धार्मिक, सामाजिक व स्थानिक बातम्यांसाठी Kattanews.in ला दररोज भेट द्या.
