पांगरी काटे | १४ जानेवारी २०२६
राष्ट्रमाता जिजाऊ जयंती आणि स्वामी विवेकानंद जयंती निमित्त जिल्हा परिषद शाळा पांगरी काटे येथे संयुक्त जयंती कार्यक्रम मोठ्या उत्साहात साजरा करण्यात आला. राष्ट्रमाता जिजाऊ व स्वामी विवेकानंद जयंती हा कार्यक्रम विद्यार्थ्यांसाठी प्रेरणादायी ठरला. या वेळी विद्यार्थ्यांनी शिवकालीन वेशभूषा परिधान करत राष्ट्रमाता जिजाऊ जयंती व स्वामी विवेकानंद जयंतीचे महत्त्व अधोरेखित केले.
कार्यक्रमाच्या सुरुवातीला राष्ट्रमाता जिजाऊ यांच्या प्रतिमेला शाळा व्यवस्थापन समितीचे अध्यक्ष रवींद्र काटे यांनी पुष्पहार अर्पण केला. तर स्वामी विवेकानंद यांच्या प्रतिमेला ग्रामपंचायतीच्या वतीने सरपंच प्रतिनिधी मनोहर काटे यांनी पुष्पहार अर्पण करून अभिवादन केले.यावेळी शालेय विद्यार्थ्यांनी राष्ट्रमाता जिजाऊ, छत्रपती शिवाजी महाराज व स्वामी विवेकानंद यांची वेशभूषा साकारत उपस्थितांचे लक्ष वेधून घेतले.विद्यार्थ्यांचा आत्मविश्वास व सादरीकरण पाहून पालक व ग्रामस्थांनी समाधान व्यक्त केले.कार्यक्रमात शाळेचे सहाय्यक शिक्षक खरात सर यांनी राष्ट्रमाता जिजाऊ आणि स्वामी विवेकानंद यांच्या जीवनकार्यावर सखोल प्रकाश टाकला. जिजाऊंच्या संस्कारातूनच स्वराज्याची बीजे रोवली गेली, तर स्वामी विवेकानंद यांच्या विचारांतून समता, बंधुता आणि राष्ट्रप्रेमाची शिकवण मिळते, असे त्यांनी सांगितले.कार्यक्रमानंतर विद्यार्थ्यांना खाऊचे वाटप करण्यात आले.या प्रसंगी शाळा व्यवस्थापन समिती, पत्रकार समाधान सरकटे, ग्रामस्थ व विद्यार्थी मोठ्या संख्येने उपस्थित होते. कार्यक्रमाचे प्रास्ताविक व आभार प्रदर्शन शाळेचे मुख्याध्यापक सुधाकर पराड सर यांनी केले.
📢 आपल्या गावातील बातम्या वाचा KattaNews.in वर
आपल्या परिसरातील शैक्षणिक, सामाजिक व ग्रामीण घडामोडी सर्वात आधी वाचण्यासाठी KattaNews.in ला रोज भेट द्या.
👉 बातमी, फोटो किंवा व्हिडिओ पाठवण्यासाठी आमच्याशी संपर्क साधा.
