साखरखेर्डा येथे रक्तदान शिबिरात ५१ युवकांचा सहभाग! जगद्गुरु रामानंदाचार्य संप्रदायाचा प्रेरणादायी उपक्रम

साखरखेर्डा येथे रक्तदान शिबिर आयोजित करण्यात आले असून या रक्तदान शिबिरात ५१ युवकांनी उत्स्फूर्त सहभाग नोंदवला.
जगद्गुरु रामानंदाचार्य संप्रदाय समितीच्या माध्यमातून राबविण्यात आलेले हे रक्तदान शिबिर
राष्ट्रीय कार्यात मोलाचे योगदान देणारे ठरले आहे.
साखरखेर्डा रक्तदान शिबिरातून अनेक रुग्णांना नवसंजीवनी मिळणार असून
रक्तदान शिबिर हा सामाजिक जाणीव जपणारा उपक्रम असल्याचे यावेळी दिसून आले.

हे रक्तदान शिबिर जगद्गुरु रामानंदाचार्य संप्रदाय सिंदखेडराजा तालुका सेवा समितीच्या वतीने
येथील प्राथमिक आरोग्य केंद्र, साखरखेर्डा येथे आयोजित करण्यात आले होते.
सकाळी ९ वाजता सरपंच सौ. ज्योती अमित जाधव यांच्या शुभहस्ते व
ठाणेदार गजानन करेवाड यांच्या प्रमुख उपस्थितीत शिबिराचे उद्घाटन झाले.

👉 विशेष जाहिरात | अधिक माहितीसाठी क्लिक करा

यावेळी वैद्यकीय अधिकारी डॉ. गोपाल परिहार, डॉ. प्रशांत भालेराव,
माजी मुख्याध्यापक रमेश ठोसरे, माजी प्राचार्य डी. एन. पांचाळ,
पत्रकार अशोक इंगळे, तालुका अध्यक्ष डॉ. ज्ञानेश्वर दसरे,
सेवाकेंद्र अध्यक्ष रामेश्वर दानवे, ब्लॅक कमांडो रमेश इंगळे,
तसेच महिला तालुका प्रमुख अनिताताई झोरे, कल्पनाताई दानवे,
मंदाकिनीताई दसरे, ज्योतीताई इंगळे आदी मान्यवर उपस्थित होते.

रक्तदान हेच सर्वश्रेष्ठ दान असून एका रक्तदात्यामुळे अनेकांचे प्राण वाचू शकतात,
या उदात्त हेतूने जगद्गुरु श्रीमद् रामानंदाचार्य नरेंद्राचार्यजी यांच्या प्रेरणेने
दरवर्षीप्रमाणे यंदाही ४ ते १८ जानेवारी २०२६ या कालावधीत
महाकुंभ उपक्रमांतर्गत रुग्णांना विनामूल्य रक्तपुरवठा करण्याचा उपक्रम राबविण्यात येत आहे.

ठाणेदार गजानन करेवाड यांनी आपल्या मनोगतात सांगितले की,
अपघातग्रस्त, गर्भवती माता, अॅनिमिया, सिकलसेल, थॅलेसिमिया,
ब्लड कॅन्सर, किडनी फेल्युअर यांसारख्या गंभीर आजारांमध्ये
रक्तदातेच रुग्णांचे खरे देवदूत ठरतात.

या शिबिरात एकूण ५१ रक्तदात्यांनी रक्तदान केले.
यामध्ये महाविद्यालयीन विद्यार्थी, सामाजिक कार्यकर्ते,
व्यापारी व शेतकरी युवकांचा समावेश होता.
प्रत्येक रक्तदात्यास प्रमाणपत्र, अल्पोपहार तसेच वैद्यकीय तपासणी करण्यात आली.