
yojana doot : राज्य शासनाकडून राबविल्या जाणाऱ्या विविध योजनांची माहिती जनतेपर्यंत पोहोचावी, त्यांना योजनांचा लाभ घेता यावा, यासाठी महाराष्ट्र शासनाच्या माहिती व जनसंपर्क महासंचालनालयामार्फत मुख्यमंत्री योजनादूत mukhyamantri yojana doot उपक्रम राबविण्यात येत आहे. त्या अंतर्गत प्रत्येक ग्रामपंचायत पातळीवर एक योजनादूत नेमला जाणार असून, त्याला सहा महिन्यांकरिता महिन्याकाठी १० हजारांचे मानधन दिले जाणार आहे.
मुख्यमंत्री माझी लाडकी बहीण, वयोश्री, तीर्थदर्शन या योजनेंतर्गत आता सरकारने मुख्यमंत्री योजनादूत mukyamantri yojana doot योजना सुरू केली आहे. या योजनेची कार्यपद्धती निश्चित करण्यात आली आहे. ग्रामीण भागात ग्रामपंचायतसाठी १ तर शहरी भागात ५ हजार लोकसंख्येसाठी १ योजनादुताची निवड होणार आहे. जिल्ह्यातील ८७० ‘ग्रामपंचायतीमध्ये’ योजनादूत नेमले जाणार असून त्यासाठी ऑनलाइन अर्ज मागविण्यात आले आहेत.
निकष काय ?
या योजनेत सहभागी होण्यासाठी इच्छुक उमेदवार १८ ते ३५ वयोगटातील असावा, उमेदवार कोणत्याही शाखेचा पदवीधर असणे आवश्यक आहे, उमेदवाराकडे महाराष्ट्राचे अधिवास प्रमाणपत्र असावे, संगणक ज्ञान, त्याच्याकडे अद्ययावत मोबाईल (स्मार्ट फोन) आणि आधारसंलग्न बँक खाते असणे आवश्यक आहे.
काय आहे योजना?
महाराष्ट्र शासनाच्या माहिती व जनसंपर्क महासंचालनालया मार्फत मुख्यमंत्री योजनादूत उपक्रम राबविण्यात येत आहे. प्रत्येक ग्रामपंचायत पातळीवर एक तर शहरी भागात प्रत्येक पाच हजार लोकसंख्येमागे एक अशा पद्धतीने राज्यात एकूण ५० हजार योजनादूतांची सहा महिन्यांसाठी निवड केली जाणार आहे. या योजनादूतांना दरमहा १० हजार रूपये मानधन दिले जाणार आहे.
निवडीसाठी लागणारी कागदपत्रे !
विहित नमुन्यातील ऑनलाइन अर्ज आधारकार्ड, पासपोर्ट साइज फोटो, पदवी प्रमाणपत्र, रहिवासी दाखला, वैयक्तिक बैंक खात्याचा तपशील.
कुठे कराल अर्ज ?
१३ सप्टेंबर २०२४ पर्यंत www.mahayojanadoot.org या संकेतस्थळावर नोंदणी करता येईल