वाशिम जिल्हा प्रतिनिधी/नारायणराव आरू पाटील
भारत माध्यमिक कन्या शाळा व कनिष्ठ महाविद्यालय रिसोड येथील हॉलीबॉल संघ यापूर्वी तालुकास्तर आणि जिल्हास्तर विजेता ठरला असून दिनांक ४ऑक्टोबर २०२४ रोजी यवतमाळ येथे पार पडलेल्या क्रीडा व युवक सेवा संचालनालय महाराष्ट्र राज्य पुणे तथा विभागीय क्रीडा कार्यालय अमरावती द्वारा विभागीय हॉलीबॉल स्पर्धेमध्ये वाशिम जिल्ह्यातील भारत माध्यमिक कन्या शाळेच्या विद्यार्थिनींनी सुरुवातीला पहिल्या फेरीत यवतमाळ वनी हॉलीबॉल संघासोबत विजयी सलामी दिली.
दुसऱ्या फेरीत बुलढाणा हॉलीबॉल संघासोबत विजय प्राप्त केल्यानंतर अंतिम फेरीमध्ये अमरावती हॉलीबॉल संघासोबत भारत माध्यमिक कन्या शाळेचा हॉलीबॉल संघ उपविजेत्या ठरला असून त्यामध्ये कर्णधार कु. प्रणाली सरनाईक, ज्ञानेश्वरी बाजड, दुर्गा पोळ, कल्पना झळके, ऋतुजा झळके सागर जायभाय ,ख़ुशी खडसे, श्रद्धा खडसे, लक्ष्मी खंडागळे, साक्षी सावंत, यशस्वी इप्पर व वैष्णवी खुळे
इत्यादी यशस्वी हॉलीबॉल विद्यार्थिनी खेळाडूंनी उत्कृष्टरित्या कामगिरी केल्याबद्दल विद्यार्थिनींचे शाळेच्या वतीने प्राचार्या मंजुषा सु. देशमुख मॅडम, पर्यवेक्षक विलासराव देशमुख सर, तसेच विद्यार्थिनींना मार्गदर्शन करणारे क्रीडा शिक्षक सुधीर देशमुख सर, सर्व शिक्षक, शिक्षिका ,शिक्षणेतर कर्मचारी आणि पालक वर्ग व सर्वत्र स्तरातून कौतुक आणि अभिनंदन होत आहे.
