Sangli news : येथील ‘कृष्णा नदीवरील’ krushna nadi बंधाऱ्यावर सांगलीवाडीकडील बाजूला असलेल्या बंधाऱ्यावर मैत्रिणीसमवेत सेल्फी घेताना मोईन मोमीन (वय २४, रा. शामरावनगर) हा तरुण कृष्णा नदीपात्रात पडून वाहून गेला. सकाळी साडेदहाच्या सुमारास हा प्रकार घडला. मैत्रिणीने हा प्रकार नातेवाइकांना कळवल्यानंतर आयुष हेल्पलाइन टीम, स्पेशल रेस्क्यू टीमच्या वतीने हरिपूरपर्यंत haripur शोध घेण्यात आला. सायंकाळपर्यंत मोईन moeen याचा ठावठिकाणा समजू शकला नाही.
मोईन moeen हा सांगलीतील एका मैत्रिणीबरोबर रविवारी सकाळी कृष्णा नदीकाठावर आला होता. सांगलीवाडीच्या sangliwadi बाजूने तो मैत्रिणीसह चालत बंधाऱ्यावर आला. तेथे दोघेजण सेल्फी घेत होते, तेव्हा तोल जाऊन मोईन हा नदीपात्रात पडला. तो पाण्याबरोबर वाहून जाऊ लागला. मैत्रिणीने आरडाओरड केला. काही जण बंधाऱ्याकडे धावले, परंतु मोईन हा पाण्याच्या धारेला लागून दूरवर गेला. मैत्रिणीने मोईनच्या नातेवाइकांना हा प्रकार सांगितला. ते तत्काळ धावले. सांगली sangli शहर पोलिसही घटनास्थळी आले. उशिरापर्यंत त्याचा शोध सुरू होता
