nanded news | फावडे डोक्यात घालून मिस्त्रीसह शेजारच्या महिलेचा खून.

nanded news
nanded news

 

 

nanded news | घराचे बांधकाम करणारा मिस्त्री व शेजारच्या महिलेच्या डोक्यात फावड्याने वार करून दोघांनाही निघृणपणे ठार मारल्याची घटना बुधवारी (दि. २९) दुपारी ४:३० वाजता किनवट पोलिस ठाण्याच्या हद्दीतील अंबाडी येथे घडली. पोलिसांनी आरोपी उत्तम भरणे यास तत्काळ अटक केली आहे.मृत मिस्त्री शेख वसीम शेख महेबूब कुरेशी (२९, रा. इस्लामपुरा, किनवट) याच्या मारेकऱ्याला फाशी द्यावी, म्हणत घोषणाबाजी करत चक्क मृतदेह नातेवाइकांनी पोलिस ठाण्यात आणला दगडफेक करून गोकुंदा व शहरातील दुकाने बंद करण्यात आली.

 

 

तणावपूर्ण शांतता प्रस्थापित झाल्याने भोकरचे अपर पोलिस अधीक्षक डॉ. के. ए. धरणे हे वेळीच किनवट शहरात दाखल झाले. बंदोबस्तासाठी मांडवी, सिंदखेड व इस्लापूर ठाण्याचे पोलिस अधिकारी, कर्मचाऱ्यांना पाचारण करण्यात आले.

 

त्यानंतर तणाव निवळला. आरोपीला मानसोपचार तज्ज्ञांच्या गोळ्या चालू असल्याची माहिती आहे. हल्ल्याचे कारण अजूनही अस्पष्टच आहे. पोलिस सूत्रांनुसार व प्राप्त माहितीनुसार, किनवट पोलिस ठाण्याच्या हद्दीत येणाऱ्या अंबाडी येथे आरोपी उत्तम भरणे यांच्या घराचे बांधकाम सुरू आहे. किनवट येथील शेख वसीम शेख महेबूब कुरेशी (२९) हा २९ मे रोजी घराचे बांधकाम करण्यासाठी अंबाडी येथे गेला.

 

 

वीट बांधकाम करत असतानाच अचानक आरोपी उत्तम भरणे याने मिस्त्री शेख वसीम यांच्या डोक्यात फावड्याने जबर वार केला. गंभीर दुखापत झाल्याने वसीम रक्ताच्या थारोळ्यात पडला. त्यानंतर शेजारी असलेल्या विशाखा भारत मुनेश्वर (५०) या महिलेच्या डोक्यात त्याच फावड्याने निघृणपणे वार केला. दोघांनाही गोकुंदा उपजिल्हा रुग्णालयात दाखल केले असता डॉ. प्रतीक्षा डोंगरे यांनी मृत घोषित केले.