Mehkar news : दुचाकीवर आलेल्या दोघांनी चाकूचा धाक दाखवून एका महिलेच्या गळ्यातील मंगळसूत्र व कर्णफुले असा एक ते दीड तोळ्यांच्या सोन्याच्या वस्तू लंपास केल्या ही घटना मेहकर mehkar शहरातील ग्रामीण रुग्णालयाजवळील मंदिरात ११ जुलै रोजी सकाळी घडली रामनगर जवळील लक्ष्मीनारायण नगर lakshminarayan nagar मधील रहिवासी असलेल्या मीनाक्षी जयहरी फुके minakshi jayhari fuke या रविवारी सकाळी आठ वाजताच्या दरम्यान ग्रामीण रुग्णालयाच्या भिंतीलगत असलेल्या मंदिरात दर्शनासाठी गेल्या.
यावेळी मंदिराच्या कंपाउंडमध्ये त्या एकटी असल्याचा फायदा घेत दोन २० ते २२ वर्षांच्या युवकांनी चाकूचा धाक दाखवीत त्यांच्या गळ्यातील मंगळसूत्र तोडून घेतले तसेच कर्णफुले महिलेला काढायला लावली. त्यांनी आरडाओरड करण्याच्या आत विना क्रमांकाच्या पल्सर गाडीवर दोन्ही चोरटे पसार झाले. या आधीसुद्धा वेळी ‘हरण टेकडी’ रस्त्यावर एका महिलेच्या गळ्यातील सोन्याची पोत अशीच लंपास केली होती.
