khamgaon : शेगाववरून shegaon खामगावकडे khamgaon येत असलेल्या धावत्या एसटी बसला आज सकाळी आग लागली. चालकाने प्रसंगावधान दाखवत वेळीच बस थांबल्याने मोठी दुर्घटना टळली. खामगाव आगाराची एसटी बस (क्रमांक एमएच-४० एक्यू-६३८२) आज सकाळी शेगाववरून shegaon प्रवासी घेऊन खामगाव डे निघाली होती. दरम्यान, ही एसटी बस शेगाव येथील एमएसईबी चौकाच्या पुढे आली असता केबिनमध्ये वायरिंगला आग लागल्याचे चालकाच्या लक्षात आले. यावेळी चालकाने प्रसंगावधान राखत एसटी बस उभी करून प्रवाशांना उतरविले. स्थानिक नागरिकांच्या मदतीने ‘आग’ विझविण्यात आली. या घटनेमध्ये कुठलीही जीवितहानी झाली नाही. मात्र या घटनेमुळे प्रवाशांमध्ये काही काळ भीतीचे वातावरण निर्माण झाले होते.
