बुलडाणा प्रतिनिधी/ कट्टा न्यूज
बुलडाणा जिल्हा होमगार्डची सदस्य नोंदणी करण्यात आली. तर या भरतीसाठी २७ ऑगस्ट ते ३ सप्टेंबरदरम्यान मैदानी चाचणी घेण्यात येणार आहे. बुलडाणा पोलिस मुख्यालयाच्या कवायत मैदानात ही शारीरिक चाचणी घेतली जाणार आहे.बुलडाणा जिल्ह्यातील २४८ होमगार्ड सदस्य नोंदणीकरीता १२ हजार ७६२ पुरुष, तर १ हजार ५५२ महिलांनी ऑनलाइन अर्ज केले आहे.
या सर्व उमेदवारांनी आवेदन क्रमांकानुसार ठरवून दिलेल्या दिवशी सकाळी ६ वाजता मुळ आवेदनपत्र व कागदपत्रासह उपस्थित राहावे लागणार आहे. महिला उमेदवार वगळून आवेदन क्रमांक ०१ ते २८५० मंगळवार २७ ऑगस्ट, २८५१ ते ५७०० बुधवार २८ ऑगस्ट, ५७०१ते८५५० गुरुवार २९ ऑगस्ट, ८५५१ ते ११४०० रविवार १ सप्टेंबर, ११४०१ ते१४२२८ सोमवार २ सप्टेंबर आणि सर्व महिला उमेदवार मंगळवार ३ सप्टेंबर रोजी मैदानी चाचणी घेण्यात येणार आहे.
सदर तारखेस पाऊस आल्यास किंवा अडचणी आल्यास तारखेत बदल करण्यात येणार आहे. सर्व महिला उमेदवारांनी ३ सप्टेंबर रोजी मैदानी चाचणी करिता सकाळी ६ वाजता उपस्थित राहावे, असे आवाहन होमगार्ड समादेशक यांच्यातर्फे करण्यात आले आहे
